________________
ના મારીશ. છોકરે માન્યું કે મને ભ્રમણા થઈ હશે. ફરી હાથ ઊંચો કર્યો, કરી જવાબ આવ્યો : ના મારીશ. છોકરાએ માને પૂછ્યું, કોણ બોલ્યું હશે? માતાએ કહ્યું, બેટા ! ભગવાન બોલ્યા હશે જયારે એ અંદરથી બોલે ત્યારે તું એનું કહ્યું માનજે આપણી પાસે બે અવાજ આવે છે. એક કહે છે, ચોરી કર, બીજો કહે છે ન કર. એક જણ કહે છે માર, બીજો કહે છે બચાવ. તમારે કોનું કહ્યું માનવું ! એક છે શેતાન બીજો છે દેવ, દેવનું કહેવું માનવું. સાચું છે કે ઈશ્વર આખા જગતમાં છે. સારું કામ કરીએ તો પાસે આવે ખોટું કામ કરીએ તો દૂર જાય. માબાપની ઇચ્છા થાય કે દારૂ પીવો અને તમને પણ કહે કે તું પી. તો બાપા ભલું નથી કરતા તેમની આજ્ઞા ના માનવી. હરિજનને ના અડવાનું કહે છે, પણ માણસથી માણસ ના અભડાય એને અડવાથી કંઈ ડાઘ પડી જતો નથી. રેંટિયાની વાત પણ તમારે સમજવી પડશે. માબાપ વિરોધ કરશે કે આમાં શિક્ષણની વાત ક્યાં આવી તો તમારે સમજાવવા પડશે. દારૂને દેશવટો દીધો તેમ ચાને પણ દેશવટો દેવો પડશે. તે મનને બાંધી રાખે છે અને શરીરને નુકસાન કરે છે. અને પૈસા બગાડે છે. તા. ૯-૫-૧૯૫૧
આજુબાજુના કમ્પામાં ખેતી કરતા પટેલાની એક સભા રાખી હતી. તેમની ફરિયાદ હતી હરિજનો મરેલાં ઢોર મફત લઈ જાય છે. અને કોસના ભાવ વધુ લે છે. તા. ૧૦-૫-૧૯૫૧
આદિવાસી ભગત લોકોની સભા રાખી હતી. આ ભગતો બિનમાંસાહારી હોય છે. પોતાની કોમનું પણ ખાતા નથી. એમના પંચમાં પક્ષ પડી ગયા છે. આગેવાન પક્ષની ખેંચતાણ વધુ છે. હોંશિયાર છે. આગેવાનીભર્યો ભાગ ભજવે છે. પણ લાંચ લે છે. અને રખાત રાખે છે. એટલે સારા કાર્યકરની જરૂર છે. તા. ૧૧-૫-૧૯૫૧
આજે સવારના કલેક્ટર સાહેબ અને ફોરેસ્ટ અધિકારી મળવા આવ્યા હતા. તેમની સાથે જિલ્લાના સામાન્ય અને આદિવાસી પ્રશ્નો એમના સાધુતાની પગદંડી
૧૧
