________________
રહેલો છે. ધંધાદારી સંગઠન થાય તેમાં વાંધો નથી. ખેડૂત અને ગોપાલન બંને અરસપરસ પૂરક થાય તે ખૂબ જરૂરી છે. આજે ખેડૂત એમ કહે છે કે રબારી ભેળ કરે છે રબારી એમ કહે છે ખેડૂતો ખોટી રીતે પજવે છે. આથી કોઈને ફાયદો નહિ થાય. બંને એકબીજાના પૂરક થઈને કામ કરે.
સેવાદળની રેલી વખતે અહીં ત્રણ યુવાનો વાત્રક નદીમાં ડૂબી ગયા હતા. તા. ૨૨-૪-૧૯૫૧ : મહુડી
પીલવાઈથી મહુડી આવ્યા. અંતર છ માઈલ હશે. ઉતારો ચોરામાં રાખ્યો હતો. બપોરના જાહેરસભા રાખી હતી. તેમાં નવ ગામના લોકો આવ્યા હતા. મુખ્યવસતી ઠાકોર કોમની છે, તેમને કહ્યું, તમે ગરીબ રહ્યા છો તેનું કારણ શોધો. હવેના જમાનામાં તમે જૂની ઢબે નહિ જીવી શકો. કેટલીય જમીનો તમારી થોડી રકમમાં ગીરો મુકાઈ ગઈ છે. હવે થોડી જમીન બાકી રહી ગઈ છે, તેમાં ઉત્પન્ન વધારો, સમૂહ ખેતી કરો તો વધારે ફાયદો થશે. પોલીસની જરૂર છે તેમાં તમારા યુવાનો ભરતી થાય કેટલાક ગૃહ ઉદ્યોગ વાંસના શરૂ કરો. બાળકોને ભણાવો. વ્યસનો છોડો અને જાતમહેનત કરશો તો સુખી થવાશે.
અહીં ઘંટાકર્ણ મહાવીરની જગ્યા છે. નાની દહેરી છે. હવે તો મોટું તીર્થધામ થઈ ગયું છે. કોટેશ્વર મહાદેવ છે. સાબરમતી નદી છે. તા. ૨૩/૨૪-૪-૧૫૧ : પ્રાંતિજ
મહુડીથી સાબરમતી નદી ઓળંગી વાઘપુર થોડું રોકાઈ પ્રાંતિજ આવ્યા. અંતર પાંચ માઈલ. ઉતારો ઉપાશ્રયમાં રાખ્યો હતો.
બપોરે ચાર વાગ્યે નાગરિકો સાથે વાર્તાલાપ રાખ્યો હતો. તેમાં કંટ્રોલ વિશે ઠીક ઠીક ચર્ચા થઈ હતી. મહારાજશ્રીએ રચનાત્મક સૂચનો કર્યા હતા. પણ મોટાભાગને તે ગળે ઊતર્યા ન હતા. લોકો એમ માને છે કે સરકાર બધું કરે અમારે કરવાનું કંઈ નહીં.
ત્યારબાદ પાંચ વાગ્યે ભંગીવાસની મુલાકાત લીધી હતી. એકંદર સ્થિતિ સારી છે. મહારાજશ્રીએ કહ્યું કે હવે માત્ર સફાઈની મોનોપોલી નહીં ચાલે. પગાર વધારો એટલે કોઈ પણ માણસ એ કામ કરશે. તો
સાધુતાની પગદંડી
