Page Text
________________ સાધુ આખા વિશ્વને કુટુંબ માને છે લગભગ સાડાચાર વરસ પછી આ ઉપાશ્રયમાં આવવાનું થાય છે, અને તે પણ અમારા પરમપૂજ્ય ગુરુદેવની સમીપમાં રહીએ, એટલે આ પ્રસંગને હું ધન્ય માનું છું. ગયે વખતે હું આવ્યો ત્યારે ગુલાબચંદ્રજી સ્વામી હયાત હતા, આજે નથી. તેમણે કહ્યું ઉપાશ્રયમાં રહો, હરિજનવાસમાં જઈને તેમને ભલે મળો. પૂ.મહારાજશ્રીનો અધિકાર છે, તે કહી શકે. હું અધિકારી નથી. લીંબડી સંપ્રદાય અધિકારી છે. આને હું મારું પિતૃસ્થાન જ માનું છું. પૂ. ગુરુદેવની સાથે છૂટા પડ્યા પછી પણ તેમની જે ઉદારતા રહી છે, તેને હું મારું ગૌરવ માનું છું. સાધુ સંન્યાસ લે છે, ત્યારે વિશ્વને પોતાનું કુટુંબ સમજે છે. ઉપકરણો વિકાસમાં ઉોગી થાય છે, તે બદલ તમારો આભાર માનીશ. હું જે કંઈ માનું છું તે જૈનાચાર્યોનાં જીવનચરિત્રો અને આગમોના અભ્યાસને સામે રાખી વર્તુ છું. કેટલાક દૂર રહ્યા એમ માનતા હશે કે મહારાજ કોદાળી, પાવડા લઈને દવા જતા હશે. તળાવ અને કૂવા બંધાવતા હશે. એ તો તેઓ જુએ તો જ ખ્યાલ આવે ! હું ગામડામાં નાના નાના મંડળો રચવાની પ્રેરણા આપું છું. તેની વિગતમાં ઊતરું છું. માનું છું કે ધનની પ્રતિષ્ઠા એટલી વધી ગઈ છે કે, ધર્મદષ્ટિએ સમાજરચનાનો પ્રયોગ કરીને લોકોને ઊંચા લઈ જજ જોઈએ. એનો પ્રયત્ન કરું છું. મારી એક વિશિષ્ટ પ્રકારની દષ્ટિ છે, સમાજનાં બધાં બળો સાથે મેળ રાખું છું. પણ એક દર્શન રાખીને. નીચલા થરનો સંપર્ક વધારે રાખું છું. અને જેનો સંપર્ક હોય તેના તરફ લાગણી કુદરતી જ રહે ! | મારા નિયમો હું બરાબર પાળું છું. પાદવિહાર, બિનમાંસાહારીને ત્યાંથી ભિક્ષા, પછી તે ભંગી કેમ ન હોય ! રાત્રિભોજન હોય જ નહીં. અસ્પૃશ્યતા નિવારણ જૈન ધર્મમાં તો છે નહીં. હરિજનો જ્યાં આવી શકતા હોય, તેવા મંદિરો અને ઉપાશ્રયોમાં રહે છું, ઊતરું છું. ચોમાસાનો ખ્યાલ રાખું છું. તમારાથી છૂટા પડ્યા પછી પણ તમો જે પ્રેમ બતાવો છો તેની હું કદર કરું છું. સ્ત્રીનો હું સ્પર્શ કરતો નથી, છતાં તેઓ મારી સાથે રહે તેમાં બાધ માનતો નથી. આ બધી વાતો ખુલ્લી છે. -સંતબાલ (તા. ૨૯-૧૨-૧૯૫૨ને દિવસે લીંબડી સ્થાનવાસી જૈન ઉપાશ્રયમાં પોતાના ગુરુ દેવ અને જાહેર સમાજ સમક્ષ કરેલ વકતવ્યમાંથી) મુદ્રક : વિપુલ પ્રિન્ટર્સ, 14, અડવાણી માર્કેટ, શાહીબાગ રોડ, દિલ્હી દરવાજા બહાર, અમદાવાદ. ટે.નં. : 5622462
| SR No. | 008079 |
| Book Title | Sadhuta ni Pagdandi Part 4 |
| Original Sutra Author | N/A |
| Author | Manilal Patel |
| Publisher | Mahavir Sahitya Prakashan Mandir Ahmedabad |
| Publication Year | 1999 |
| Total Pages | 246 |
| Language | Gujarati |
| Classification | Book_Gujarati & Religion |
| File Size | 13 MB |