________________
પૈસા કમાવવાના છે. સેવકો મળતા નથી. પંચાયતના સભ્યો પણ મળતા નથી, મળે છે, તે જુદા ભેજાના ખરી રીતે જવાબદારી ઊઠાવે ભોગ આપે, એ જ સભ્ય બની શકે. આપણે જુદી જુદી રીતો અપનાવી છે. તા. ૨૫-૧૯૫૩ : ઝાપોદર
વેલવાથી ઝાપોદર આવ્યા. અંતર સાત માઈલ હશે. ઉતારો નિશાળમાં રાખ્યો. ગામે સુંદર સ્વાગત કર્યું. પ્રોજેક્ટવાળા ભાઈઓ સાથે હતા. બપોરના નાથાભાઈ ફુલછાબવાળા અને અમૃતલાલ શેઠ જન્મભૂમિવાળા મળવા આવ્યા. તેમને ભાવનગર, તારાપુર નવી રેલ્વે થાય છે ત્યાં ભાવનગર આગળ દોઢ કરોડનો પુલ બંધાવાનો છે, ત્યાં આગળ એક પાળો નંખાય અને સાબરમતી અને ભોગાવાનું પાણી જે દરિયામાં ફેંકાય છે તે રોકાઈને નહેર વાટે ભાલમાં ફેંકાય તો હજારો વીઘા જમીન રેલાય, દસેક લાખનો ખર્ચ થાય, વગેરે વાતોની ચર્ચા કરી. અહીં ૩૧ વીઘા ભૂદાન મળ્યું. તા. ૨૮-૫૧૯૫૩ : વંથલી
ઝાપોદરથી નીકળી વંથલી આવ્યા. અંતર છ માઈલ હશે. ઉતારો નિશાળમાં રાખ્યો. સરઘસ આકારે સૌ નિવાસે આવ્યા. સભામાં ૧૦૦ વીઘા ભૂદાન મળ્યું. કેટલુંક સંપત્તિદાન મળ્યું. તા. ૨૯,૩૦-૫-૧૯૫૩
વંથલીથી નીકળી શાહપુર આવ્યા. અંતર ત્રણ માઈલ હશે. નિવાસ સર્વોદય આશ્રમમાં રાખ્યો. આ આશ્રમ પહેલાં જે સરદારબાગ નામે નવાબની માલિકીનો બાગ હતો ત્યાં ચાલે છે. અહીં લોકશાળા અને બુનિયાદી શાળા ચાલે છે. અહીં ભાલમાંથી દેવીબહેન, સુરાભાઈ, જયંતીભાઈ, નવલભાઈ વગેરે મળવા આવ્યા હતા.
અહીં પંચાયત તાલીમ વર્ગના તાલીમાર્થીઓ સમક્ષ પ્રવચન કરતાં મહારાજશ્રીએ જણાવ્યું કે તમો બધાં ગામડાંઓમાંથી આવો છો, સામાન્ય રીતે આપણે ત્યાં બધાંનો ખ્યાલ નોકરી ઉપર છે, વેતન ઉપર છે. પણ તમારું કામ જો ખરેખર પાયાથી લેવા ઇચ્છો તો તે કપરું છે. કપરું એટલા માટે કે આપણું ધ્યાન શહેરો તરફ હતું અને પૈસા મેળવવા એ રહ્યું છે. ૧૭૦
સાધુતાની પગદંડી
