________________
મળ્યું છે. તો અમોને કંઈક મળવું જોઈએ ને ? પણ આપણી સંસ્કૃતિ છે કે, બીજાને માટે આપણે બલિદાન આપીએ છીએ. મકાનમાં પાયામાં જે ઈંટ બને છે એને મુશ્કેલીઓ પડે છે પણ ત્યારે જ સુંદર ઈમારત બને છે. જેની અંદર લોકો પશુઓ, પંખી, કિલકિલાટ કરે છે.
ગઈકાલે હું ટી.બી.ઈસ્પિતાલમાં ગયો હતો. ત્યાં દુઃખ પડવાનું બાકી હોય તેમ ત્યાં ઘણાં બહેનો ક્ષયથી પીડાતાં જોયાં. તેમને રેશન મળે છે. પણ ઓછું છે. પણ તમને થોડી રોજી મળે, એવો પ્રયત્ન ચાલે છે. તેથી દુઃખી નહીં થતાં ઈશ્વરને યાદ કરજો. ખાદી ઉપર વધારે શ્રદ્ધા ઉત્પન્ન કરો. ગ્રામઉદ્યોગની યોજનાથી જ ભારત પોતાની ગરીબી દૂર કરી શકશે. હિંદુ મુસલમાનના કોમી ઝઘડાથી દૂર રહેજો. ઈશ્વર સૌને સદબુદ્ધિ આપે. એની ભૂલ એ આપણી ભૂલ છે. વેરથી વેર શમતું નતી. પણ પ્રેમથી વેર જીતાય છે. આમ થવાથી બધે શાંતિ ફેલાઈ જશે.
તમે ભૂદાનમાં ૪૦૦ આંટી (સૂત) આપી. તેથી મને આનંદ થાય છે. જેની પાસે ઘાસ નથી, ધન નથી. સરકારની ડોલથી જીવે છે તે લોકો પોતાની મહેનતથી તૈયાર કરેલી વસ્તુ આપે છે એ ધનની મારે મન ઘણી કિંમત છે. આ ધની બીજાને લૂંટીને દાન કરે, કમાઈને દાન કરે, તેના કરતાં ઓછું લે અને પોતાની મહેનતથી કંઈ ને કંઈ દે. આથી હું તમારા દાનથી સંતોષ વ્યક્ત કરું છું.
છોકરાઓને ભણાવો છો, તેવી રીતે છોકરીઓને પણ ભણાવજો. કારણ કે ભારતની ઉન્નતિમાં એને ઘણો ફાળો આપવો પડશે.
ઘણી બહેનો મહારાજશ્રીના પગનો સ્પર્શ કરવાની ભાવના કરતી હતી. પણ તેમને સમજાવ્યાં.
મહારાજશ્રી વિદાય થયા ત્યારે કેટલીક બહેનો એની ચરણરજ લેવા નીચી નમીને કંઈક વીણતી હોય તેમ લાગ્યું આવી તેમની ભક્તિ હતી.
રચનાત્મક સમિતિ તરફથી નિર્વાસિત હોમ ચાલે છે. દરેકને કેશ ડોલ કુલ ૯૫૭ને અપાય છે. જણ દીઠ ક્રમ હોય છે. માસિક, ૧૪,000 ખર્ચાય છે. સંચાલક જયંતિલાલ ટોલિયા અને ત્રીસ કાર્યકર છે.
બાંટવામાં પહેલાં મેમણોની ખૂબ વસ્તી હતી. આજે મોટી આલિશાન બિલ્ડીંગો મૂકીને તે લોકો પાકિસ્તાન ભાગી ગયા છે. મોટાં મહેલ જેવી ૧૬૮
સાધુતાની પગદંડી
