________________
કરીશ તેમાં મારી પવિત્રતા કેટલી સચવાય છે. હું કોણ છું ? શા માટે આ પ્રવૃત્તિ ? આનો વિચાર કરવો જોઈએ. જનક તો રાજા હતા જનક વિદેહી કહેવાય કારણ કે કાયા હોવા છતાં કાયાની મૂછ છોડી દીધી. રાજા હોવા છતાં રાજયનો અધિકાર છોડી દીધો. એવી સ્થિતિ થોડે અંશે પણ આપણે ઊભી કરવી જોઈએ. આપણાં રાગ, દ્વેષ ઓછાં થયાં છે, કે નહિ ? તેનો વારંવાર વિચાર કરીએ. અને ઈશ્વરની દયા મેળવીએ. પ્રેરકબળ તો અંદર પડ્યું છે. તે બુદ્ધિથી પર છે. તેનો આશ્રય લઈને આગળ વધી શકીએ. સાઘન શુદ્ધિનો વિચાર કરીએ ત્યારે સત્યની લગની લાગે. પ્રેમની લગની લાગે કે એમાં ઈર્ષા ના આવી જાય, જૂઠ ના આવી જાય, નિંદા ના આવી જાય તેની સતત કાળજી રાખવાની છે. લોકો મને સારો કેમ કહે તેની કાળજી રાખીએ છીએ. પણ હું સારો કેમ થાઉં ? તેની કાળજી રાખતા નથી. નિંદા બહુ આવી ગઈ છે. જરા બોલતાં આવડ્યું તો સફતપૂર્વક ગાળો કેમ બોલવી તે વધારે કરીએ છીએ. પ્રેમ ખારો થઈ જાય. સત્ય એ સર્વ પ્રવૃત્તિનો પાયો છે. એની ચોક્કસ પ્રતીતિ થઈ જવી જોઈએ. મને રાજય મળો કે ના મળો ખડકની ધારે વહો, કાળ આવીને લઈ જાય તો પણ એક ઈંચ પણ સત્યથી ખસું નહિ આ ભાવના આપણે કેળવવી જોઈએ. તા. ૧૮-૫-૧૯૫૩
વજુભાઈ શાહે નઈતાલીમ ઉપર સુંદર પ્રવચન કર્યું હતું.
નઈતાલીમ એટલે નવી કેળવણી, એનું બીજું નામ બુનિયાદી તાલીમ. બુનિયાદ એટલે પાયો. પાયાની તાલીમ બંને એક છે.
અહીં ૬પા વીઘા ભૂદાન મળ્યું. તેમજ ૫૨૫ રૂપિયા સંપત્તિ દાન મળ્યું. તા. ૧૯-૫-૧૫૩ : મોટી ઘંસારી
કેવદ્રાથી નીકળી મોટી ઘંસારી આવ્યા. અંતર સાડા ત્રણ માઈલ, ઉતારો ચોરામાં રાખ્યો. ગામ બાબી ગિરાસદારનું છે. લોકો નિસ્તેજ લાગ્યાં. અહીં ૨૨ વીઘા ભૂદાન મળ્યું. તા. ૨૦-૫-૧૫૩ : સરોડ
મોટી ઘંસારીથી નીકળી સરોડ આવ્યા. અંતર સાત માઈલ હશે. ઉતારો નારણભાઈના મકાનમાં રાખ્યો.
૧૬૬
સાધુતાની પગદંડી
