________________
તા. ૧૯-૨-૧૫૩ : ડેલા
મોરબીથી નીકળી ડેલા આવ્યા. અંતર છ માઈલ હશે. ઉતારો ઉપાશ્રયમાં રાખ્યો હતો. અહીં સભામાં ૮૧ વીઘા જમીન ભૂદાનમાં મળી.
અહીંથી સાંજના રંગપુર આવ્યા. લોકોએ વાજતે ગાજતે પ્રેમથી સ્વાગત કર્યું. મોરબીથી કેટલાક ભાઈઓ સાથે હતા. ઉતારો દફતરી આરામગૃહમાં રાખ્યો હતો. અહીં ૩૪ વીઘા ભૂદાન મળ્યું. તા. ૨૦-૨-૧૫૩ : જેતપર
રંગપુરથી નીકળી જેતપર આવ્યા. અંતર છ માઈલ હશે ઉતારો ઉપાશ્રયમાં રાખ્યો. અહીં ૧૪ વીઘા ભૂદાન મળ્યું હતું. તા. ૨૧-૨-૧૯૫૩ : ખાખરેચી
જેતપરથી નીકળી ખાખરેચી આવ્યા. અંતર સાત માઈલ હશે. ઉતારો જાળિયા દરબારના ઉતારામાં રાખ્યો હતો. ગામ લોકોએ વાજતે ગાજતે સુંદર સ્વાગત કર્યું.
બપોરના દવાખાનાની મુલાકાત લીધી. ત્યાંથી માળિયા તાલુકા શિક્ષક સંમેલનમાં હાજરી આપી. ત્યાં પ્રવચન કર્યું હતું.
ખાખરેચીમાં અમારો મુકામ હતો. તે મકાન માળિયા ઠાકોરની માલિકીનું હતું. વિશાળ તળાવને બરાબર કિનારે સુંદર રીતે બાંધેલું છે. એની ઓસરી નીચે પાણી છે. આ રીતે બાંધેલ છે. રાતનો દેખાવ બહુ રળિયામણો લાગતો હતો. રાત્રે જાહેરસભા સારી થઈ. પ્રથમ દુલેરાય માટલિયાએ ભૂદાન અને સંગઠનનો હેતુ સમજાવ્યો હતો. સભામાં મહાલકારી અને ઘરખેડખાતાના મામલતદાર વગેરે પણ આવ્યા હતા. ૩૫ વીઘા ભૂદાન થયું હતું. તા. ૨૨-૨-૧૫૩ : ભાગરેવા
ખાખરેચીમાંથી નીકળી ભાગરવા આવ્યા. સાથે કેટલાક ખેડૂતો અને બંને અમલદારો સાથે જ હતા. અંતર છ માઈલ હશે. ઉતારો દરબારી ઉતારે રાખ્યો. ગામે વાજતે ગાજતે સ્વાગત કર્યું. અહીં સભામાં ૫૫ વીઘા ભૂદાન મળ્યું હતું.
સાધુતાની પગદંડી
૧૪૩
