________________
હશે. ઉતારો શેઠને ઘેર રાખ્યો હતો. રાત્રે ભાનુભાઈ શુક્લ અને રાઠોડ મળવા આવ્યા. વેચાણવેરા અંગે વાતો કરી. તા. ૧૧-૧-૧૯૫૩ : લૂણસર
વેલાળાથી નીકળી લૂણસર આવ્યા. વચ્ચે સગદરા અને ચિત્રા, ખેડા, બે ગામમાં આવ્યાં. આખો રસ્તો ડુંગરાળ હતો અંતર ચૌદ માઈલ હશે. ઉતારો ઉપાશ્રયમાં રાખ્યો હતો. અહીં ડૉ. શાંતિભાઈ, ચુંવાળના જયંતીભાઈ અને ફોજદાર મળવા આવ્યા હતા. બકરાણાની એક બાઈની ભૂલ થયેલી તે અંગે લખતર ગયેલાં. ત્યાંથી મહારાજશ્રીને મળવા આવ્યા હતા. ખૂબ ફરવું પડ્યું. તેમને વઢવાણ ડિ.એસ.પી મદદ કરે તે માટે કાર્યકરો ઉપર ભલામણ ચિઠ્ઠી લખી આપી. તા. ૧૨/૧૩-૧-૧૫૩ : દલડી
લૂણસરથી નીકળી દલડી આવ્યા. અંતર સાત માઈલ હશે. ઉતારો ઉપાશ્રયમાં રાખ્યો હતો. કાગળમાં તારીખ લખવાની ભૂલ થયેલી. એટલે વાંકાનેરથી મહારાજશ્રીનાં બહેન, ભાણેજ ભાણી અને સંબંધી આવેલાં. એ રોકાયાં હતાં. મણિબહેન, દિવાળીબહેન, સમરતબા, ભાણીયો અને બીજા હતા.
તા. ૧૩-૧-૧૫૩ : નુણસરિયા
દલડીથી સાંજના નીકળી નુણસરિયા આવ્યા. અંતર પાંચ માઈલ હશે. નદી કિનારે છે. બંધ બાંધેલો છે. ઉપાશ્રય નવો થયેલો છે. ત્યાં રાત રોકાયા.
ભૂદાન અંગે સૌરાષ્ટ્ર રચનાત્મક સમિતિ તરફથી એક ભાઈ રમણભાઈ સાથે રહેતા હતા. તે અહીંથી છૂટા પડ્યા અને દેવરાજભાઈ આવી ગયા હતા. તા. ૧૪-૧-૧૯૫૩ : સીંધાવદર
નુણસળિયાથી નીકળી સીંધાવદર આવ્યા. અંતર દસ માઈલ હશે. વચ્ચે વાંકાનેર સીટી સ્ટેશન આવ્યું. ત્યાં ગામમાંથી કેટલાક ભાઈબહેનો દર્શને આવ્યા હતા. ત્યાં થોડું રોકાઈને સડકે સીંધાવદર આવ્યા. ઉતારો સાધુતાની પગદંડી
૧૨૫
