________________
સંખ્યા વધતી ચાલી છે. ત્યારે આ કઈ જાતનું સ્વરાજ ! લોકો મશ્કરીમાં કહે છે. રામરાજ આવ્યું. રામરાજ એટલે ગમે તેમ વર્તવાની છૂટ.
હું આ બધા પ્રશ્નોને બીજી રીતે જોવું છું. ગુનેગારને સરકાર ભલે કાંઈ ના કહે, પણ સમાજ એને પોતાની રીતની સજા કરી શકે. નાત બહાર મૂકી શકે, સત્યાગ્રહ કરી શકે, મજૂર મહાજન મિલો સામે લડી શકે છે. ત્યારે સંગઠન શક્તિ બંને કામ કરે છે એક બચાવવાનું અને બીજું મારવાનું આના માટે સંતોનું માર્ગદર્શન જોઈએ. તા. ૨૨-૨૩
અહીં તા. ૨૨ અને ૨૩ બે દિવસ ચુંવાળિયા કોળીઓની એક પરિષદ ભરાઈ હતી. તેમાં સૌરાષ્ટ્રના પ્રધાનો જાદવજી મોદી, ઘનશ્યામભાઈ ઓઝા, રસિકભાઈ પરીખ, વગેરે આવ્યા હતા. પ્રમુખ તરીકે રસિકભાઈ પરીખની વરણી થઈ હતી. સંમેલનમાં પૂ. નાનચંદજી મહારાજ અને સંતબાલજીએ હાજરી આપી હતી. અને યોગ્ય માર્ગદર્શન આપ્યું હતું. અહીં ૪પ વીઘા જમીન ભૂદાનમાં મળી હતી. આ સંમેલનમાં સૌરાષ્ટ્રના ઘણા સ્વાળિયા પગી લોકો એકઠા થયા હતા. તેમાં પાણીસણાના વાહણ કરસન પગી મુખ્ય હતા.
આ પરિષદમાં પૂ. નાનચંદજી મહારાજે માંગલિક પ્રવચન કરતાં જણાવ્યું હતું કે, માણસમાત્રની ઇચ્છા ઊંચે જવાની છે. પણ મનુષ્યમાં બે પ્રકૃતિ કામ કરે છે. એક દૈવી અને બીજી આશુરી. બંનેની લડાઈ થાય છે. અને જેની જીત થાય છે તેવો માણસ બને છે. સાત પ્રકારના વ્યસનો નર્કનાં દ્વાર છે. પ્રથમ જુગાર કહ્યો. યુધિષ્ઠિર અને નળરાજાનો દાખલો આપણી સામે છે. હું તમને પૂછું કે તમને સ્વર્ગમાં જવાની ઈચ્છા છે કે નર્કમાં જવાની છે ? મને લાગે છે. સ્વર્ગમાં જવાની ઇચ્છા જ હશે. પણ માણસની અધમ પ્રવૃત્તિઓ તેની પાસે ના કરાવવાનાં કામ કરાવે છે જેને એક કામ હલકું કર્યું. તો તેની પાછળ બીજાં અનેક દૂષણો ચાલ્યાં આવે છે. જુગાર પછી માંસ પછી દારૂ પછી વ્યભિચાર પછી ચોરી આમ માણસ ઊતરતો જ જાય છે.
કોલી એટલે શેઠ Call me (કોલ મી) વચન આપનાર માણસ આજે ઊતરી ગયા છે. તમે વિચાર કરો તમારે ઘેર ખાતર પડે તો ગમે ?
૧૦૪
સાધુતાની પગદંડી
