________________
છે. તેમાં ન્યાય મેળવવો મુશ્કેલ છે. ગુનેગાર નિર્દોષ છૂટી જાય છે. પછી તે ઢોલ વગડાવે છે. પુરાવો આપનારની સ્થિતિ બગડે છે. પોલીસની પણ એવી જ વાત છે. એ લોકો ધોકાનું સૂત્ર વાપરે છે. પણ એમાં સાચાં ટીપાઈ જાય છે. જૂઠા રહી જાય છે. તમારે ત્યાં માણસ ગાંડો થઈ ગયો શું એ ગુનેગાર હતો ? પ્રજા પોતે જ પોતાની અદાલત પોતે જ પોતાની પોલીસ બને ગોળી ચલાવનારા પણ થાકી ગયા છે. જ્યારે છાતી ધરનાર મળે છે ત્યારે મારનાર ગ્રૂજી ઊઠે છે. એટલે આપણે ભારે આંદોલન ચલાવવું જોઈએ. માત્ર ૧૧ દિવસમાં લોકો તારીફ કરે છે. ચોરોનું નામ છૂપું રહ્યું નથી. તો હવે વખત આવી ગયો છે કે સ્પષ્ટ કહી દેવું જોઈએ પણ માથું ખંજવાળે છે. બીક લાગી તો ભૂત આવવાનું જ છે. બે માણસે કોઈ દિવસ ભૂત દેખ્યું નહિ. તમારો એકડો થાય તો બધાં ભૂત ભાગી જવાનાં છે. પણ ભજકલદારમ આગળ માથું નમી જાય છે. અમારા ગુરુદેવે કહ્યું હતું કે ૬ જણ ૫૦૦ને લૂંટી જાય તેનું કારણ શું? છ એકઠા ભેગા થાય તો ૧૧, ૧૧૧૧એ એકતા થઈ છે પેલાં સાંઠો સાંઠ છે.
આટલે હદ સુધી ઉઘાડી બાજી હોવા છતાં કોઈ હરફ બોલતું નથી. ગૂપસુપ વાતો કરે છે. આગળ કોણ થાય ? ત્યારે એકાદે તો મરદ થવું પડશે ને ? આખો યુગ પલટાઈ ગયો છે. “મુખમાં રામ અને બગલમે છૂરી' એ વાત હવે નહિ ચાલે. થોડાએ હિંમતવાન થવું પડે. તા. ૪/૫-૧૧-૧૯૫૨
બગડનો શુદ્ધિપ્રયોગ કુદરતની દયાથી અને મહારાજશ્રીના પ્રયત્નથી પતી ગયો. ચોરીનો ભોગ બનનાર બાઈ બોટાદના કોઈ વ્યક્તિના સંબંધમાં આવેલી. એટલે તેની અસર નીચે આવી ગઈ. અને આ પ્રયોગ ઉપરથી શ્રદ્ધા ગુમાવી દીધી. તેને કહ્યું પંચ કરતાં ફોજદાર જે કહેશે તે મને મંજૂર છે. મહારાજશ્રીને આનાપાઈ સાથે સંબંધ નહોતો. ગુનેગારોનો હૃદયપલટો થાય પસ્તાવો થાય અને એ હેતુ પાર પડ્યો.
આ પ્રસંગ પછી પ્રજાનો જુસ્સો કાયમ ટકી રહે એ માટે બગડના ૧૧ આગેવાનોનો એક બગડ સુધાર શુદ્ધિ પ્રયોગ મંડળની સ્થાપના થઈ તેના સભ્યોએ દારૂ, ચોરી લાંચરુશ્વત અને વ્યભિચારથી પર રહેવાની પ્રતિજ્ઞા લીધી. અને આ ગામમાં કોઈપણ ગૂનો બને તો આ મંડળે તાત્કાલિક ૯૪
સાધુતાની પગદંડી
