________________
કરે છે. ગણોતધારાને કારણે ખેડૂતોનો પક્ષ લેવો પડતો હતો તેથી જમીનદારો રોષે ભરાયા હતા. કેટલાક તત્ત્વોએ તેમનું ખૂન કરવાનું કાવતરું યોજવાની ગંધ આવી હતી. એટલે શાંતિભાઈને તરત બોલાવવાની જરૂર હતી. એટલે મને (મણિભાઈને) સાણંદ શાંતિભાઈને તેડવા માટે મોકલ્યા. રાત્રે જાળિલા સુધી ચાલતો ગયો. ત્યાંથી સોમનાથ મેલમાં એલિસબ્રિજ સ્ટેશને ઊતરી સવારના સાણંદ આવ્યો. શાંતિભાઈને બધી વાત કરી અને સાંજની ગાડીમાં હું ખસ આવી ગયો. તા. ૨-૯-૧૯૫૨
આજે સવારના બગડના કેટલાક ભાઈઓ આવ્યા હતા. એમણે એવી વાત સાંભળી હતી કે મહારાજશ્રી ઉપર કોઈએ કાગળ લખ્યો છે તેમાં અમુક દિવસોમાં મહારાજશ્રીનું ખૂન કરવાનું છે. એમ લખીને નીચે અમારી સહી કરી છે. કાગળ ઉપરથી મહારાજશ્રીએ ડિ.એસ.પી.ને તાર કર્યો છે. અને તેથી એ આવ્યા. પરંતુ ફોજદર તો બીજા કોઈ કારણસર અહીં મળવા આવેલા. મહારાજશ્રીએ ખુલાસો કર્યો, કે આવું કંઈ છે જ નહિ. હોય તોય ઈશ્વર જેવો ડિ.એસ.પી. છે. એને જ ફરિયાદ કરવાની હોય. તા. ૩-૯-૧૫ર
આજે અમરેલી જિલ્લાના બાબાપુરના કાર્યકરો શ્રી અરવિંદભાઈ, બાબુભાઈ, મહીપતભાઈ, વાઘજીભાઈ વગેરે આવ્યા હતા. તેમણે સંસ્થા અંગે વાતો કરી.
ફેદરાના બાઈસાહેબા કરીને એક ગિરાસદાર બહેન મળવા આવ્યાં હતાં. તેમના પતિ જે કચ્છમાં રહે છે તેમણે ગરીબાઈને કારણે તેમને કાઢી મૂક્યાં છે. અમે તેમને સમજાવ્યાં કે, સમાજના ખોટા રિવાજ છોડી દઈને, કંઈક ઉદ્યમી કામે લાગવું જોઈએ. કારણ કે જિંદગી સુધી કોઈનું આપ્યું પહોંચશે નહિ. તેમ કોઈ આપે પણ નહિ. પછી તેમણે ગૃહઉદ્યોગ કરી શકે તે માટે એક રેંટિયો અને એક માસનું રેશન આપવા પ્રબંધ કર્યો. તા. ૫-૯-૧૯૫૨
આજે સવારે પોલીસ ઈન્સ્પેક્ટરશ્રી પગારસાહેબ અને ડિ.એસ.પી. વગેરે મહારાજશ્રીને મળવા આવ્યા. તેમની સાથે સ્થાનિક અને પ્રાદેશિક સાધુતાની પગદંડી
૮૫
