________________
નહીં કરવા અંગે જૈન લોકોએ સમજૂતી કરી હતી. તેમ છતાં આજે સાંભળ્યું કે, ભાત કર્યો હતો. આથી મહારાજશ્રીને દુઃખ થયું. તેમણે જાહેરસભામાં આ પ્રશ્ન વ્યક્ત કર્યો અને શું બન્યું તે જાણવા ઈચ્છા વ્યક્ત કરી.
આ ઉપરથી આગેવાનોને બોલાવ્યા. તેઓએ ભૂલ કબૂલ કરી અને માફી માગી. મહારાજશ્રીએ કહ્યું, માફી માગવાનો સવાલ જ નથી. અસત્ય થયું એની ચિંતા છે તમોએ મારી સાથે ગઈ કાલે ના કહ્યું હતું. અને જો ભાત કરવો હતો તો છેવટે મને વાત પુછાવવી હતી. પણ હું તો મારો દોષ એમાં જોઉં છું. મારી કચાશ છે કે મારી અસર તમારા ઉપર ના પડી. જૈનોએ એક ખુલાસો એ કહ્યો કે ૨૪ જણથી વધારે સાથે જમવા બેઠાં નથી. (કંટ્રોલનો નિયમ ૨૫ જણને લાગુ હતો). તા. ૨૮-૮-૧૯૫૨
આજે બપોરના કુરેશીભાઈ આવ્યા હતા. તેમની સાથે જિન અને પ્રેસ અંગે વિચારણા થઈ. - બપોરના મઢીથી ગણપતભાઈ એમનાં પત્ની શિવકોરબહેન તથા મગનભાઈ મોદી અને બીજા ત્રણ જણ આવ્યા. રાત્રી સભામાં કુરેશીભાઈએ ધારાસભા અને કાયદા વિષે સમજણ આપી હતી.
બાબુભાઈનાં માસીબાને અઠ્ઠાઈ કરવી હતી. પણ પોતે સામાન્ય સ્થિતિમાં હોઈ લહાણી વગેરેનો ખર્ચ કરી શકે તેમ નહોતા. મહારાજશ્રીએ સમજાવ્યું કે અઠ્ઠાઈ એ તપશ્ચર્યા છે. પોતાના દોષો દૂર કરવા માટેનું એ તપ છે. એટલે એમાં પૈસાની જરૂર નથી. તમે સાદાઈથી અઠ્ઠાઈ કરી શકો છો. તેઓ રાજી થયાં અને અઠ્ઠાઈ સારી રીતે કરી. પારણાં વખતે તેમણે હરિજનવાસ અને વાઘરીવાસમાં જઈ મીઠાઈ વહેંચી સંતોષ વ્યક્ત કર્યો. તા. ૩૧-૮-૧૯૫૨
આજે સાંજના ફૂલજીભાઈ ડાભી અને ડૉ. પોપટલાલ આણંદજીવાળા (ધંધૂકાવાળા) મળવા આવ્યા. તેમણે મહારાજશ્રીને એક ગંભીર વાત કરી. વાત એમ હતી, કે સાણંદના મુખ્ય કાર્યકર ડૉ. શાંતિભાઈ ખેડૂતોમાં કામ
સાધુતાની પગદંડી
૮૪
