________________
१७
जीतव्यवहारः
जीतकल्पसूत्रम् । धारणववहारो खलु, जहक्कम वण्णितो समासेणं । जीतेणं ववहारं, सुण वच्छ ! जहकमं वोच्छं ॥६७४॥ वत्तणुवत्तपवत्तो, बहुसो आसेवितो महाणेणं । एसो उ जीतकप्पो, पंचमयो होति ववहारो ॥६७५॥ वत्तो णाम एकसि, अणुवत्तो जो पुणो वितियवारे । ततियवारपवत्तो, परिग्गिहीओ महाणेणं ॥६७६॥ बहुसो बहुस्सुएहिं, जो वत्तो ण य णिवारितो होति । वत्तणुपवत्तमाणं, जीएण कतं हवति एयं ॥६७७॥ जो आगमे य सुत्ते, य सुण्णतो आण-धारणाए य । सो ववहार जीएणं, कुणती वत्ताणुवत्तेणं ॥६७८॥ असुतो असुयत्थकतो, जह असुयस्स असुएण ववहारो । अमुअत्थविय तह कओ, असुतो असुरण ववहारो ॥६७९॥ तं चैवऽणुकज्जतो, ववहारविहिं पयुंजति जहुत्तं । जीतेण एस भणितो, ववहारो धीरपुरिसेहिं ॥६८०॥ धीरपुरिसपण्णत्तो, पंचमयो आगमो विदुपसत्थो। पियधम्मऽवज्जभीरूपुरिसज्जाताणुचिण्णो य ॥६८१॥ सो जह कालादीणं, अपडिकंतस्स णिबिगइयं तु । मुहणंतफिडिय पाणग, असंवरे एवमादीम् ॥६८२॥ एगिन्दिऽणन्तवज्जे, घट्टण तावेऽणगाढ गाढे य । णिविगतियमादीयं, जा आयामन्तमुद्दवणे ॥६८३।। विगलिंदऽणतघट्टण, परियावऽणगाढ गाढ उद्दवणे । पुरिमादिकमेण उ, तव्वं जाव खमणं तु ॥६८४॥ पंचिंदि घट्ट तावणऽणगाढ गाढे तहेव उद्दवणे । एगासणमायाम, खमणं तह पंचकल्लाणं ॥६८५॥
Jain Education International
For Private & Personal Use Only
www.jainelibrary.org
