________________
स्थोपज्ञभाष्ययुतं
[ गाथा रहिए णाम असन्ते, आतिल्लम्मि ववहारतियगम्मि । ताहे विहारइत्ता, वीमसेतूण जं भणियं ॥६६२॥ पुरिसस्स उ अवराह, विधारइत्ताण जस्स जे भणितं । तं देन्ती पच्छित्तं, केणं देन्ती उ ? तं सुणसु ॥६६३॥ जो धारिओ सुतत्थो, अणुओगविहीय धीरपुरिसेहिं । अल्लीणपलीणेहि, जतणाजुत्तेहि दंतेहिं ॥६६॥ अल्लीणा णाणादिसु, पइ पइलीणा उ होन्ति तु पलीणा। कोहादी वा पलयं, जेसि गया ते पलीणा तु ॥६६॥ जतणाजुत्तो पयत्तवं, दंतो जो उवरतो तु पावेहिं । अहवा दन्तो इंदियदमेण नोइंदिएणं च ॥६६६॥ एरिसया जे पुरिसा, अत्थधरा ते भवंति जोग्गा उ । धारणववहारन्नू, ववहरिउं धारणाकुसला ॥६६७॥ अहवा जेणं ईयाऽऽदिहा, सोही परस्स कीरंती। तारिसयं चेव पुणो, उप्पण्णं कारणं तस्स ॥६६८॥ सो तम्मि चेव दवे, खित्ते काले य कारणे पुरिसे । तारिसयं अकरेन्तो, ण हु सो आराहओ होति ॥६६९।। सो तम्मि चेव दव्वे, खित्ते काले य कारणे पुरिसे । तारिसयं चिय भूतो, कुव्वंतो राहओ होति ॥६७०॥ अहवा वि इमे अण्णे, धारणववहारजोग्गयमुवेति । धारणववहारेणं, जे ववहारं ववहरंति ॥६७१॥ वेयावञ्चकरो वा, सीसो वा देसहिंडओ वा वि । दुम्मेहत्ता ण तरइ, अवधारेउं बहू जो तु ॥६७२।। जस्स उ उद्धरिऊणं, अत्थपयाई तु देंति आयरिया । जेहिं करेहि कज्ज, आहारेन्तो तु सो देसं ॥६७३॥
Jain Education International
For Private & Personal Use Only
www.jainelibrary.org
