________________
जीतकल्पसूत्रम् ।
धारणाव्यवहारः
पणगादिभाणछेद, साहूमूले भवे पुणकरणं । पुव्वमवहाय सव्वं, पंचाऽऽभवणाउ उवरिं तु ॥६५०॥ लिंगादीजोगत्थे, जहण्ण उक्कोसओ व बोधयो । उक्कोस जहण्णो वा, विहरउ सो अब्बितीओ उ॥६५२॥ वितियस्स य कज्जस्सा, तहियं चउवीसगं वियाणित्ता । णवकारेणाउत्ता, हवन्तु एवं भणेज्जासि ॥६५२॥ एवं गंतूण तहिं, जहोवएसेण देहि पच्छित्तं । आणावए वहारो, भणिएसो धीरपुरिसेहिं ॥६५३॥ एसाऽऽणाववहारो, जहोवएसं जहक भणितो। धारणववहारं पुण, सुण वच्छ ! जहक्कम वोच्छं ॥६५४॥ उद्धारणा विहारण, संधारण संपहारणा चेव । धारणववहारस्स उ, णामा एगहिता एते ॥६५५।। पाबल्लेण उवेच्च व, उद्धियपयधारणा उ उद्धारो। विविहेहि पगारेहि, धारेयऽत्थं विधारो तु ॥ ६५६॥ सं एगीभावम्मी, 'धी धरणे' ताणि एव भावेणं । धारेयऽत्थपयाणि तु, तम्हा संधारणा होति ॥६५७॥ जम्हा संपहारेड, ववहारं पशुंजती। तम्हा कारणे तेण, णातव्वा संपहारणा ॥६५८॥ धारणववहारेसो, परंजियव्यो तु केरिसे पुरिसे ?। भण्णइ गुणसंपण्णे, जारिसए तं सुणेह त्ति ॥६५९।। पवयणजसंसि पुरिसे, अणुग्गहविसारए तवस्सिम्मि । सुस्सुय बहुस्सुयम्मि य, विवकपरियागबुद्धिम्मि ॥६६०॥ एतेमु धीरपुरिसा, पुरिसज्जाएसु किंचि खलिएसु । रहिए विहारइत्ता, जहारिहं देन्ति पच्छित्तं ॥१६॥
Jain Education International
For Private & Personal Use Only
www.jainelibrary.org
