________________
सावद्यासावद्ये
जीते
स्वोपज्ञभाष्ययुतं
[गाथा एमादीओ एसो, णायव्वो होति जीयववहारो । अणवज्जविसोहिकरो, संविग्गणगारचिण्णो त्ति ॥६८६॥ जं जीतं सावज्ज, ण तेण जीएण होति ववहारो। जं जीयमसावज्जं, तेण उ जीएण ववहारो ॥६८७॥ केरिस सावज्ज तू ?, केरिसयं वा भवे असावज ? । केरिसयस्स व दिजति, सावज वा वि ? इयरं वा ? ॥६८८॥ खार घडि हरमाला, पोटेण व रिंगणं तु सावज्ज । दसविह पायच्छित्तं, होइ असावज जीयं तु ॥६८९॥
ओसण्णे बहुदोसे, गिद्धधसे पवयणे य णिरवेक्खे । एयारिसम्मि पुरिसे, दिज्जति सावज जीयं तु ॥६९०॥ संविग्गे पियधम्मे, य अप्पमत्ते यऽवज्जभीरुम्मि । कम्ही पमायखलिए, देयमसावज जीयं तु ॥६९१॥ जं जीयमसोहिकरं, ण तेण जीएण होति ववहारो। जं जीयं सोहिकरं, तेण उ जीएण ववहारो ॥६९२।। जं जीयमसोहिकरं, पासत्थ-पमत्तसंजयाचिण्णं । जइ वि महाणाचिण्णं, ण तेण जीएण क्वहारो ॥६९३॥ जंजीयं सोहिकरं, संविग्गपरायणेण दंतेण । एक्केण वि आइण्णं, तेण उ जीएण क्वहारो ॥६९४॥ एवं जहोवइहस्स धीर-विदुदेसित-प्पसत्थस्स । णिस्संदो ववहारस्स एस कहितो समासेणं ॥६९५।। को वित्थरेण वोत्तण समत्थो णिरवसेसए अत्थे । ववहारो जस्स ठिता, जीहाण मुहे सतसहस्सं ? ॥६९६॥ किं पुण गुणोवदेसो, ववहारस्स तु विदुप्पसत्थस्स । एवं में परिकहियं, दुवालसंगस्स णवणीयं ॥६९७॥
Jain Education International
For Private & Personal Use Only
www.jainelibrary.org
