________________
स्वोपज्ञभाष्ययुतं
[गाथा कस्स त्ति जहुद्दिई, एरिस साहम्मियाण ण वि कप्पे । किं ती आहाकम्मं, असणाईयं इमं तं च ॥११४६॥ सालीमाई अगडे, फले य सुंठी य साइमं होति । तस्स कडणिट्ठियम्मि, सुद्धासुद्धे य चत्तारि ॥११४७॥ भंगा। कोहवरालगगामे, वसही रमणिज्ज भिक्ख सज्झाए । खेत्तपडिलेह संजय, सावयपुच्छुज्जुए कहणा ॥११४८॥ जुज्जति गणस्स खेत्त, णवर गुरूणं ति णत्थि पायोग्गं । सालि त्ति कए रुप्पण, परिभायण णियगगेहेसु ॥११४९॥ वोलेंता ते व अण्णे वा, जाव तु किमियं ? ति कहिय सब्भावे । वज्जेन्ति एव गाए, अहवा अण्णं वयंती तु ॥११५०॥ एसऽसणे कम्मं तू , हवेज कह पाणगे हवेजाहि ? । तह वि य साहु ण ठन्ती, सावगपुच्छा दगं लोणं ॥११५१॥ अह ताव सावयो तू , खणेज महुरोदगं तहिं अगडं । अच्छति य ढकिएणं, जावाऽऽगय साहुणो तत्थ ॥११५२॥ एत्थ वि तहेव जाणण, वज्जण तह चेव होति णातव्वा । एवं खाइम सातिम, णेयव्य जहक्कमेणं तु ११५३।। ककडिग अंबगा वा, दाडिम दक्खा व बीयपूरा वा । एमाइ खाइमं तू, साइम तह तिगडआदीयं ॥११५४॥ किं आहायम्मं ती, एतं तं वणियं समासेणं । परपक्ख सपक्खे त्ती, अहुणा दारं अणुप्पत्तं ॥११५५॥ परपक्खो तु गिहत्थो, समणा समणी य होइ तु सपक्खो । एत्थ कडनिट्ठिएहिं, चउभंगो होइ तं वोच्छं ॥११५६॥ तस्स कड तस्स निट्ठिय, तस्स कडऽण्णस्स निट्टियं चेव । अण्णकड तस्स निट्ठिय, अण्ण कडं निहियऽण्णस्स ॥११५७॥ वाविता लूया मलिया, कंडित एगच्छड कडा जे तु । तिच्छड निहिय होन्ती, ते रद्धा दुगुणमहकम्मं ॥११५८॥
Jain Education International
For Private & Personal Use Only
www.jainelibrary.org
