________________
३५ ]
जीतकल्पसूत्रम् । कडनिट्ठियाण लक्खणमिणमो तु समासतो मुणेतव्वं । फासुकडं रद्धं वा, णिट्ठियमितरं कडं होति ॥११५९॥ समणट्ट वावियादी, जा दुछडा एय होति तस्स कडं । तस्स? तिछडरद्धं, णिहितमेसो पढमभंगो ॥११६०॥ समण जाव दुछडा, वरि य तुरियऽण कारणुप्पण्ण । तेसऽ तिछडरद्धा, बितिभंगो एस णातव्यो ॥११६१।। जा दुछडा अत्तट्ठा, णवरि य साहू तु पाहुणा आया । तेसऽट्ट कया तिछडा, ततिभंगो एस णातव्यो ॥११६२॥ आयट्ठा जा दुछडा, आयट्ठा चेव तिछडरद्धा य । एस चउत्थो भंगो, कतरे कप्पे ण कप्पइ वा ? ॥११६३॥ पढमततिए ण कप्पे, बितियचउत्था उ दोणि वी कप्पे । एमेव पाणगे वी, खातिम तह साइमे चैव ॥११६४॥ साहुणिमित्ता रद्धं, जाव ण फासुं कडं तु ताव कडं । फासुकड णिट्ठियं तू, चाउलधुवणादि पाणम्मि ॥११६५॥ फलमादि छिण्णछोडिय, फासुकडं णिहित मुणेतव्वं । एमेव साइमे वी, अल्लगमादी मुणेतव्वा ।।११६६॥ सव्वस्थ तु चतुभंगो, जोएअव्वो जहक्कम होति । एत्थं तू परिहरणा, विहि अविही सव्व बोद्धव्वा ॥११६७॥ छायं पि विवज्जेन्ती, केयी फलहेतुगादिवुत्तस्स । तं तु ण जुज्जति जम्हा, फलं पि कप्पं बितियभंगे ।। ११६८॥ परपञ्चइया छाया, ण वि सा रुक्खो व्य वड़िता कत्ता । णच्छाए य दुमे, कप्पइ एवं भणंतस्स ॥११६९॥ वडति हायति छाया, तच्छिक पूइयं पिव ण कप्पे । ण य आहाय सुविहिए, णिव्यत्तयती रवीछाया ॥११७०॥ अघणघणचारिगगणे, छाया णट्ठा दिया पुणो होति । कप्पति णिरायवे णाम, आयवे तं विवज्जंतु ॥११७१॥
Jain Education International
For Private & Personal Use Only
www.jainelibrary.org
