________________
जीतकल्पसूत्रम् । णाणहमेगवंजण, गोमहिसअजाइयाण खीरं ति । णाण णाणवंजण, घडपडकडसगडरहमादी ॥११३३॥ एवमिहमाहकम्म, आहाकम्मं ति पढमओ भंगो । आहा अहेकम्मादी, बितिओ सकिन्द इव भंगो ॥११३४॥ ततितो भंगो तू आतकम्ममहकम्म पणगमादी य । आहाकम्म पडुच्चा, णियमा सुण्णो चउत्थो उ ॥११३५॥ इंदत्थं जह सद्दा, पुरंदरादी तु णातिवत्तंति । अह-आह-अत्तकम्मा, तहा अहे णातिवत्तंति ॥११३६॥ आहाकम्मेण अहे, करेंति जं हणति पाणभूयाई । जं तं आतियमाणो, परकम्मं अत्तणो कुणइ ॥११३७।। एगट्टितदारमिणं, अहुणा कस्स कडमाहकम्म भवे ? । भण्णति साहम्मिकडं, सो बारसहा इमो होति ॥११३८॥ णामं ठवणा दविए, खेत्ते काले य पवयणे लिंगे। दसण णाण चरित्ते, अभिग्गहे भावणाहिं च ॥११३९॥ णामेणं साहम्मी, जाव उ कालेण सव्व बोधव्या । पवयण लिंगेणं वा, साहम्मिय एत्थ चउभंगो ॥११४०॥ पवयणमणुम्मुयंते, दंसणमादी उ भावणा जाव । सव्वत्थ तु चउभंगा, जोएयव्वा जहाकमसो ॥११४१॥ एवं लिंगणं पी, तह दसणमादिएहि चउभंगा। भइएमु उवरिमेस, हेछिल्लपयं तु छड्डेजा ॥११४२।। एवं वुद्धीए तू, सव्वे वि जहकमेण जोएज्जा । चउभंग जाव चरिमो, अभिग्गहे भावणाहिं च ॥११४।। पत्तेयबुद्धि णिण्हय, उवासए केवली य आसज्ज । खइयाइए य भावे, पडुच्च भंगे तु जोएज्जा ॥११४४॥ जत्थ तु ततिओ भंगो, ण तत्थ कप्पति तु सेसए भयणा। तित्थगरिणिण्हओवासगादि कप्पे ण सेसाणं ॥११४५॥
Jain Education International
For Private & Personal Use Only
www.jainelibrary.org
