________________
[१७] १५ गामिल्लओ सागडिओ अस्थि कोइ कम्हिइ गामेल्लओ गहवती परिवसइ । सो य अण्णया कयाइ सगडं धण्णभरियं काऊणं, सगडे य तित्तिरि पंजरगयं बंधेत्ता पट्टिओ नयरं । नयरगतो य गंधियपुत्तेहिं दीसह । सो य तेहिं पुच्छिओ"किं एयं ते पंजरए" ? ति ।
तेण लवियं-"तित्तिरि" त्ति। तओ तेहिं लवियं-"किं इमा सगडतित्तिरी विक्कायइ ?" तेण लवियं-"आमं, विक्कायइ" । तेहिं भणिओ-"किं लब्भइ ?" सागडिएण भणिय-"काहावणेणं" ति । ततो तेहिं काहावणो दिण्णो, सगडं तित्तिरं च घेत्तुं पयत्ता । ततो तेणं सागडिएणं भण्णति-"कीस एवं सगडं नेह ?" त्ति । तेहिं भणियं-"मोल्लेण लइययं " ति ।
ततो ताणं ववहारो जाओ, जितो सो सागडिओ, हिओ य सो सगडो तित्तिरीए सम। ___ सो सागडिओ हियसगडोवगरणो जोग-खेम-निमित्तं आणिएलियं बइल्लं घेत्तूणं विक्कोसमाणो गंतुं पयत्तो, अण्णेण य कुलपुत्तएणं दीसइ, पुच्छिओ य–“कीस विक्कोससि ?" ।
तेण लवियं-"सामि ! एवं च एवं च अइसंघिओ हं।"
ततो तेण साणुकंपेण भणिओ-“वच्च ताणं चेव गेहं, एवं च एवं च भणाहि" ति।
