________________
[बंभरक्खापगयं]
[सुत्तं] निग्गंथीए रातो वा वियाले वा उच्चारं वा पासवणं वा विगिंचमाणीए वा विसोहेमाणीए वा अन्नयरे पसुजातीए वा पक्खिजातीए वा
अन्नयरं इंदियजायं परामसेज्जा, तं च निग्गंथी साइज्जेज्जा, हत्थकम्मपडिसेवणप्पत्ता आवज्जइ मासियं अणुग्धाइयं ॥५-१३॥
"निग्गंथीए य राओ" वा सुत्तं उच्चारेयव्वं । सम्बन्धःपढमिल्लुगततियाणं, चरितो अत्थो वताण रक्खट्ठा । मेहुणरक्खट्ठा पुण, इंदिय सोए य दो सुत्ता ॥५९१९॥
"पढमिल्लुग०" गाहा । पढमं प्राणातिपातव्रतं । ततियं अदिण्णादाणव्रतवेरमणं । हेट्ठिल्लेसु दोसु सुत्तेसु भणियं ।
इदाणि मेहुणव्रतरक्खणटुं दोण्णि सुत्ता । इंदियसुत्तं सोयसुत्तं च । एस सम्बन्धः
निग्गंथी पुव्ववन्निया । सुत्तउच्चारपासमणाई अहिकियाई ण केवलं उच्चारपासवणं विगिंचमाणीए सज्झायं वा करेंतीए सन्निसण्णाए वा तुअट्टाए वा अन्नतरीएसु । जाई पक्खिजाई वा पसुजाई[वा] ।
वानर छगला हरिणा, सुणगादीया य पसुगणा होति ।
वरहिण चासा हंसा, कुक्कुडगसुगादिणो पक्खी ॥५९२०॥
"वानर०" गाहा । कण्ठ्या । अन्नयरं इंदियजायं, पंचण्हं इंदियाणं परामुसेज्जा, जीहाए एक्केण वा तं जइ सातिज्जइ सुहो (?) इमेहिं पसुपक्खिजाइएहि छिवंतेहिं लोमहरिसमुब्भेदो भवति । मणेण वा एवं सातिज्जइ मा० (मासगुरु) त्ति । एस सुत्तत्थो । अधुणा नियुक्तिविस्तर:
जहियं तु अणाययणा, पासवणुच्चार तहिँ पडिकुटुं।
लहुगो य होइ मासो, आणादि सती कुलघरे वा ॥५९२१॥ [नि०]
"जहियं तु०" गाहा । जत्थ पसुपक्खिजाइयाणं संभवो तं अणायतनं, तत्थ ट्ठायमाणीणं उच्चारादि वा विगिंचमाणीणं मासलहू, आणादिणो य दोसा । 'सई कुलघरे य' त्ति अस्य व्याख्या
भुत्ताभुत्तविभासा, तस्सेवी काति कुलघरे आसि । बंधव तप्पक्खी वा, दट्टण लयंति लज्जाए ॥५९२२॥
