________________
९०६ विसेसचुण्णि
[बंभरक्खापगयं आलिंगणादिगा वा, अणिहुयमादीसु वा निसेविज्जा । एरिसगाण पवेसो, ण होति अंतेपुरेसुं पि ॥५९२३॥
"भुत्ताभुत्त०" [“आलिंगणादिगा०"] गाहा । तस्सेवी नाम पुव्वं गिहवासे पसुजाइपक्खिजाइएहिं पडिसेवियाइयाओ ते दट्टणं सइकरणादओ दोसा, तासिं बंधवा मित्ता वा तारिसे अणाययणे ठियाओ दटुं लज्जाए पुणो सगिहमाणयंति । इमे य दोसा । "आलिंगणादि०' पुव्वद्धं । ते पसुगणा पक्खिगणा आलिंगेज्जा । एएसिं निक्कारणे दोसा भणिया ।
कारणे गमणे वि तहिं, विगिंचमाणी' आगतो लिहेज्जा। गुरुगो य होति मासो, आणाति सती तु सच्चेव ॥५९२४॥
"कारणे०" गाहा । किं पुण कारणं ? अन्नाए उच्चार-पासवणभूमीए असईए, तत्थ गयाणं पसुगणो पक्खिगणो वा आगओ आलिंगेज्ज, जइ साइज्जइ मासगुरू । अह न साइज्जइ तो सुद्धो(द्धा) । सा च्चेव विराहणा सइकरणं कुलघरे य । एते अणाययणे दोसा । तम्हा जयणा कायव्वा । का उण जयणा?
वंदेण दंडहत्था, निग्गंतुं आयरंति पडिचरणं ।
पविसंते वारिंति य, दिवा वि ण उ काइयं एक्का ॥५९२५॥
"वंदेण" गाहा । दोण्णि वा तिण्णि वा जणीओ वि निग्गच्छंति । आयरइ काइयादी दंडग-हत्थाओ रक्खंति । अह अभिवंति तो दंडएण तालेंति । पडिस्सए य पविसंते वारेंति । बिइयपदेणं तत्थ ठियाणं दिवसओ वि काइयभूमिं एगाणिया ण निग्गच्छंति । सुत्तं
[सुत्तं] निग्गंथीए रातो वा वियाले वा उच्चारं वा पासवणं वा विगिंचमाणीए वा विसोहेमाणीए वा अण्णयरे पसुजातीए वा पक्खिजातीए वा अन्नयरंसि सोयंसि ओगाहिज्जा, तं च निग्गंथी साइज्जेज्जा, मेहुणपडिसेवणप्पत्ता आवज्जइ चाउम्मासियं अणुग्घाइयं ॥५-१४॥
"निग्गंथीएय०" सुत्तं उच्चारतव्वं । श्रवतीति श्रोत्रं तत् पुनर्योनिद्वारम् अधिकृतम् । एवं तु इंदिएहिं, सोते लहुगा य परिणए गुरुगा। बितियपद कारणम्मि, इंदिय सोए य आगाढे ॥५९२६॥ "एवं तु०" गाहा । एवं ताव इंदियसुत्ते भणितं जं एतं हेढ़ाओ गयं । सोयसुत्ते ठायमाणीणं
