________________
भासगाहा-५९०५-५९१४] पंचमो उद्देसो
९०३ दुहतो थोवं एक्केक्कएण अंतम्मि दोहि वी बहुगं । भावुगमभावुगं पि य, फासादिविसेसितं जाणे ॥५९१०॥
"दुहतो०" गाहा । थेवे थेवं पडियं १ थेवे बहुयं पडियं २ बहुए थेवं पडियं ३ बहुए बहुगं पडियं एक (४) । जं तं दव्वं पडइ, जत्थ वा पडइ, तं भावुगं वा अभावुगं वा । भावुकं नाम फास-रस-वण्ण-गंधेहिं उक्कडत्तणेणं वा तं फासादीहिं परिणामेइ । तव्विवरीतमभावुगं । जे ते चत्तारि भागा कया थोवादि एएस चेव चउस भंगेस एक्केक्कए चत्तारि भंगा भवंति । उसिणे उसिणं पडियं १, उसिणे सीयं पडियं २, सीते उसिणं पडितं ३, सीते सीतं पडितं ४ ।
चरिमे विगिंचियव्वं, दोसु तु मज्झिल्ल पडिएँ भयणा उ। खिप्पं विविंचियव्वं, मायविमुक्केण समणेणं ॥५९११॥
"चरिमे०" गाहा । चरिमे नाम जं सीतं सीये पडियं, तं पुण थोवे वा पुव्वगहिए थोवं पडियं, बहुए वा पुव्वगहिए बहुयं पडियं । एवं खिप्पं विगिंचियव्वं । २ 'दोसु वि उ मज्झिल्ल पडिय भयण' त्ति । जं उसिणे सीयं पडियं, जं सीए उसिणं पडियं एतेसु इमा भयणा
थोवं बहुम्मि पडियं, उसिणे सीतोदगं ण उज्झंती । हंदि हु जाव विगिंचति, भावेज्जति ताव तं तेणं ॥५९१२॥
"थोवं बहुम्मि०" गाहा । जइ बहुए दव्वे पुव्वगहिए थोवं पडियं । किं पुण तं ? उच्यते-उसिणे सीयोदकं पडियं तं न विकिंचिज्जइ जाव विकिंचिज्जइ ताव परिणयं भवति । परिभुजति त्ति भणियं होइ ।
जं पुण दुहतो उसिणं, सममतिरेगं व तक्खणा चेव । मज्झिल्लभंगएसुं, चिरं पि चिट्ठे बहुं छूढं ॥५९१३॥
"जं पुण०" गाहा । दुहओ नाम पुव्वगहियं पि उसिणं जं पि पडियं तं पि उसिणं, तं परिणामतो तल्लं अइरेगं वा । एगतरं तस्मिन्नेव क्षणे न सचित्तभावो व्यपगच्छतीति वाक्यशेषः । ताहे सिग्धं चेव विगिंचिज्जइ । अह थंडिल्लं सिग्घं णाराइयं होज्जा ताव तं परिणतं न विकिंचिज्जइ परि जंइ । जं पुण माइट्ठाणेणं अच्छियव्वं अच्छउ विद्धत्थं, परिभुंजिस्सामिं न कप्पइ । एसा उ भयणा । मज्झिल्लभंगएसु त्ति । उसीणे वा सीयं पडियं, परिणामलक्खणगाहा इमा
वण्णरसगंधफासा, जह दव्वे जम्मि उक्कडा होति । तह तह चिरं न चिट्ठइ, असुभेसु सुभेसु कालेणं ॥५९१४॥
