________________
८९४ विसेसचुण्णि
[आहारविहिपगयं "सुत्तम्मि०" गाहा । जं एतं सुत्तं उच्चारेत्ता पदछेदं कातुं सुत्तत्थो वुत्तो, एवं सुत्तम्मि कड्डियम्मि तेण पुण साहुणा जयणाए घेत्तव्वं । का पुण जयणा ? पुव्वं चेव गिहत्थहत्थगओ पिंडो, जइ सुद्धो घेप्पइ पडिओ विपडिओ वि पडिग्गहे दट्ठव्वो । जइ न पेक्खइ मासलहू, आणादि । संजमे ते पाणादी उण्हए पडिया उवेहा विणासिज्जंति । आयाए मच्छिगादीहिं वग्गुली वाहीए मरणं । तम्हा दट्टव्वो ।
अहिगारों असंसत्ते, संकप्पादी तु देस संसत्ते । संसज्जिमं तु तहियं, ओदणसत्तूदधिदवाई ॥५८६६॥ संकप्पे पयभिंदण, पंथे पत्ते तहेव आवण्णे।
चत्तारि छच्च लहु गुरु, सट्टाणं चेव आवण्णे ॥५८६७॥
"अहिगारो०" ["संकप्पे०"] गाहा । 'अहिकारो' त्ति, जम्मि देसे संसिज्जइ तं देसं न चेव गंतव्वं, असंसत्ते अण्ण-पाणदेसे विहरियव्वं । अह पुण संसत्तदेसे गमणाए संकप्पं करेति :: ४ (चतुर्लघु), पदभेदे :: । ४ (चतुर्गुरु), पंथे ::: (षड्लघु), पत्ते :.: । ६ (षड्गुरु), आवण्णे सट्ठाणपच्छित्तं ।
असिवादिएहिं तु तहिं पविठ्ठा, संसज्जिमाइं परिवज्जयंति । भूइट्ठसंसज्जिमदव्वलंभे, गेण्हंतुवाएण इमेण जुत्ता ॥५८६८॥
"असिवादि०" गाहा । अह पुण असिवादीहिं गता होज्जा । भूयिष्ठं नाम प्रायशः । ताहे इमा जतणा
गमणाऽऽगमणे गहणे, पत्ते पडिए य होति पडिलेहा।
अगहिय दिट्ठ विवज्जण, अह गिण्हइ जं तमावज्जे ॥५८६९॥
"गमणा०" गाहा । दायगो भिक्खवाए गच्छइ । तत्थ कीडियं मंडुक्कलियाहिं भूमी संसत्तिया होज्जा। 'आगमणे' त्ति एंते एयं मा विराएज्जा पाणजाइए। प्राप्ते दायके दायगहत्थगयं पडियं पात्रे पडिलेहेति, अगहियस्स जइ संसत्तं ण गेण्हइ, अह गिण्हइ, जेहिं संसत्तं तमावज्जति, अह पूण एवं न पडिलेहेंति तो आणादिदोसा।
पाणादि संजमम्मि, आता मयमच्छि कंटग विसं वा । मूइंगमच्छिविच्छुगगोवालियमाइया उभए ॥५८७०॥
