________________
[आहारविहिपगयं] [सुत्तं] निग्गंथस्स य गाहावइकुलं पिंडवायपडियाए अणुप्पविट्ठस्स अंतोपडिग्गहंसि पाणाणि वा बीयाणि वा रए वा परियावज्जेज्जा, तं च संचाएइ विगिचित्तए वा विसोहित्तए वा तं पुव्वामेव लाइया विसोहिया विसोहिया ततो संजतामेव भुंजेज्ज वा पिबेज्ज वा । तं च नो संचाएति विगिचित्तए वा विसोहित्तए वा तं नो अप्पणा भुंज्जेज्जा नो अन्नेसिं दावए, एगते बहुफासुए पएसे पडिलेहित्ता पमज्जित्ता परिढवियव्वे सिया ॥५-११॥
"निग्गंथस्स य गाहावइकुलं०" सुत्तं उच्चारेयव्वं । सम्बन्धःवंतादियणं रत्ति, णिवारितं दिवसोत वि अत्थेणं । वंतमणेसियगहणं, सिया उ पडिवक्खओ सुत्तं ॥५८६१॥
"वंतादियणं०" गाहा । अणेसियगहणमपि वांतं सियाउ पडिपक्खओ वा सुत्तं ति स्यादिति भयणा । अपडिपक्खओ वा एयं सुत्तं भवइ । रत्तिं वंता आतियणं निवारितं तु दिवसतो अणेसियं वंतं णिवारितं । एतं पडिक्खओ वा सुत्तं भवति, अपडिक्खतो वा सुत्तं भवति । अणंतरसुत्ते वंतं न वट्टइ पडिआयितुं । अणेसियमेव वंतं ण वट्टति गिण्हितुं । एस संबंधो ।
पाणग्गहणेण तसा, गहिया बीएहि सव्व वणकाओ। रतगहणा होति मही, तेऊ व ण सो चिरट्ठाई ॥५८६२॥ ते पण आणिज्जंते. पडेज्ज पव्वि व संसिया दव्वे । आगंतु तुब्भवा वा, आगंतूहिं तिमं सुत्तं ॥५८६३॥ रसता पणतो व सिया, होज्ज अणागंतुगा ण पुण सेसा।
एमेव य आगंतू, पणगविवज्जा भवे दुविहा ॥५८६४॥
"पाणग्गहणेण०" ["ते पुण आणि०" "रसता पणतो०"] गाहात्रयम् । "एमेव०" पच्छद्धं । एवमवधारणे, किमवधारयितव्वं-पणगवज्जा, जे अण्णे जीवा तसा थावरा वा ते आगंतुगा णेया।
सुत्तम्मि कड्डियम्मि, जयणा गहणं तु पडितों दट्ठव्वो। लहुओ अपेक्खणम्मि, आणादि विराहणा दुविहा ॥५८६५॥
