________________
पंचमो उद्देस
पवयणघातिं वा सिया, तं वियडं पिसियमट्ठजातं वा ।
आदाण किलेसऽयसे, दिट्टंतो सेट्ठि कब्बट्टे ॥ ५८७१॥
भासगाहा - ५८५७-५८७६ ]
"पाणादि संजमम्मि० " [ "पवयणघातिं वा० " ] गाहाद्वयं कण्ठ्यम् । गोवालिया णाम अहिलोडी। आदाणं नाम जइ अट्ठजायं पडियं तं दट्टु मंदधम्मो कोयि उप्पव्वएज्जा, लद्धा मे जीविया ।
तम्हा खलु दट्ठव्वो, सुक्खग्गहणं अगिण्हणे लहुगा । आणादिणो य दोसा, विराहणा जा भणिय पुवि ॥५८७२ ॥ " तम्हा खलु० " गाहा । 'सुक्खग्गहणं' अगेण्हणे । एयस्स विभासा । संसिज्जिमम्मि देसे, मत्तग सुक्ख पडिलेहणा उवरिं ।
एवं ताव अणुण्हे, उण्हे कुसणं च उवरिं तु ॥ ५८७३॥
"संसज्जिमम्मि० " गाहा । जो सुक्खपोग्गलियं अणुण्हं लभंति तं मत्तसुं घेत्तुं पडिलेहित्ता उवरिं उग्गहए छुब्भइ । जं उण्हं तं कूरं कुसणं वा उवरिं चेव घेप्पइ तं नियमा असंसत्तं ।
गुरुमादीण व जोग्गं, एगम्मितरम्मि पेहिउं उवरिं । दोसु वि संसत्तेसुं, दुल्लह पुव्वेतरं पच्छा ॥५८७४॥
८९५
"गुरुमादीण व० " गाहा । संघाडयस्स एक्कस्स मत्तए गुरुमादीणं जोग्गं गेहंति बिइयस्स मत्तए संसत्तपडिलेहा । एवं ताव जत्थ एगं संसत्तं भत्तं पाणगं वा जत्थ दो वि संसिज्जंति, तत्थ जइ पाणयं दुल्लभं तो पढमं पाणयं गेण्हंति, अह भत्तं दुल्लभं तो पढमं भत्तं हंति ।
एसा विही तु दिट्ठे, आउट्टियगेण्हणे तु जं जत्थ ।
अणभोगगह विगिंचण, खिप्पमविविंचति य जं जत्थ ॥५८७५ ॥
" एसा विही तु० " गाहा । आउट्टियाए जइ गेण्हंति तो जेहिं संसत्तं तमावज्जंति, जं अणाभोगेणं संसत्तं गहियं तं खिप्पं विगिंचियव्वं । अह खिप्पं न विगिंचंति ताव ते मरंति I खिप्पकालो इमो
सत्त पदा गम्मंते, जावति कालेण तं भवे खिप्पं ।
कीरंति व तालाओ, अद्दुयमविलंबितं सत्ता ॥५८७६ ॥
१. आवश्यकटीकातो काष्ठश्रेष्ठिदृष्टान्तो मन्तव्यः मलवृ ।
