________________
भासगाहा - ६४८१-६४८८ ]
छट्ठो उद्देसो
१००७
उज्जोवगा | अहवा सुत्तेण उज्जोवेंति, सजंमतवाणं करणं णिप्फायगा णाणादीहिं । तेसिं वा अव्वोच्छित्तिकारया । जया वुड्ढवासेणं ठायंति तदा एगखेत्ते वि वसंता आहारोवहि अण्णेहि य दोसेहिं ण लिप्पंति ।
इदाणि जिणकप्पट्ठिती
मोत्तुं जिणकप्पठिइं, जा मेरा एस वण्णिया हेट्ठा ।
एसा तु दुपदजुत्ता, होति ठिती थेरकप्पस्स ॥६४८६ ॥
“मोत्तुं०” गाहा । जिणकप्पठितिग्रहणात् गच्छविणिग्गया गृह्यन्ते । एते मोत्तुं हेट्ठा अस्मिन्नेवाऽज्झयणे जा वण्णिया । अहवा सामायिकमादिं कृत्वा जाव कप्पे कप्पट्टितिं सुतं । एत्थ गच्छनिग्गया सामायारिं मोत्तुं जं सेसं सा थेरकप्पट्ठिई । सा य दुपयसंजुत्ता नाम उस्सग्गजुत्ता अववायजुत्ता य ।
पलंबादी जाव ठिती, उस्सग्गऽववातियं करेमाणो । अववाते उस्सग्गं, आसायण दीहसंसारी ॥ ६४८७ ॥
"पलंबाउ' ० " गाहा । प्रलंबसूत्रादारभ्य जावदिदं षड्विधं कल्पस्थितिसूत्रम् । उस्सग्गे - अववायं करेमाणे अववादे य उस्सग्गं करेमाणो अरहंताणं आसायणाए वट्टइ । अरहंतपण्णत्तस्स धम्मस्स आसायणाए वट्टइ । आसायणाए य वट्टमाणो दीहसंसारी भवति । तम्हा पलंबसुत्तादि छव्विहकप्पट्ठिती, अवसाणे उस्सग्गे पत्ते उस्सग्गविही कातव्वो । अववादे य अववादपत्ते अववादविधी जयणाए कातव्वा ।
छव्विहकप्पस्स ठितिं, नाउं जो सद्दहे करणजुत्तो ।
पवयणणिही सुरक्खितों, इहपरभववित्थरप्फलदो ॥६४८८ ॥
"छकप्पट्ठिति २०" गाहा । छव्विहाए कप्पट्ठितीए कप्पो । कप्पो नाम आयरणा कप्पणिज्जाणं अकप्पणिज्जाणं विवज्जणा । नाउं ज्ञात्वा सद्दहे पत्तिए । कहं सद्दहे ? करणसद्दहणाए, न केवलं सद्दिहिउं अकरेमाणो जो य सद्दहित्ता करेति सो पवयणनिही भवति। जहा समुद्दो रयणनिधी एवं सो पवयणणिहीणाणदंसणचरित्ततवाणं तं च णिही सुरक्खितं करेंतो इह-परभववित्थरफलदो भवतीति वाक्यशेषः । सुरक्खिओ सुरक्खिओ आय-संजमविराहणाहिंतो इह भवे वित्थरेणं आमोसधादि फलं देइ । परभवे स्वर्गापवर्गेषु विस्तरं फलं देइ । तद्ददातीति विस्तरफलं ।
अधुनोच्यते - एतदध्ययनं कस्य देयमदेयं वा, को वा अपात्रे दत्ते दोषो भवति पात्रे
१. पलंवादी मुच । २. छव्विहकप्पस्स मुच ।
