________________
१००६ विसेसचुण्णि
[कप्पट्टिइपगयं नाम जे पढम पडिवज्जति परिहारिया तेसिं छम्मासा अणूणगा ।
इयाणि भण्णति छव्विहा कप्पट्ठिती परोप्परं कहिं समोतरति ? उच्यते
तइयचउत्था कप्पा, समोयरंति तु बियम्मि कप्पम्मि । पंचमछट्ठठितीसुं, हेछिल्लाणं समोयारो ॥६४८१॥
"तइय०" गाहा । तइयो निव्विसमाणो, चउत्थो निम्विट्ठो । एए दो वि छेदोवट्ठावणिया कप्पट्टिईए समोयरंति । सामाइय-छेदोवट्ठावणिया णिव्विसमाणा निविट्ठा एए हेडिल्ला भण्णंति। एतेसिं चउण्हं वि जिणकप्पट्टिईए य समोतारो ।
इयाणिं जिणकप्पट्ठिति - निज्जुत्तिमासकप्पेसु, वण्णितो जो कमो उ जिणकप्पे ।
सुयसंघयणादीओ, सो चेव गमो निरवसेसो ॥६४८२॥
“निज्जुत्ति०" गाहा । निज्जुत्ती पंचकप्पे मासकप्पे य जो वन्निओ गमो । सेसं कण्ठ्य म् ।
गच्छम्मि य निम्माया, धीरा जाहे य मुनियपरमत्था ।
अग्गह जोग अभिग्गहें, उविंति जिणकप्पिय चरित्तं ॥६४८३॥
"गच्छम्मि य०" गाहा । गच्छे निम्माओ ते धीरा उप्पत्तियादिबुद्धिमंता इत्यर्थः । 'मुणिय परमत्थ' त्ति अब्भुज्जयविहारस्य कालः । सांप्रतमित्येवं गृहीतार्थाः । जहा पिंडेसणाहि अग्गहो ताओ परिवज्जेयव्वाओ । जाहिं ग्रहो ताहि अभिग्गहो, एगयरीए जोगो कायव्वो । एवं भावियमती जिणकप्पं पडिवज्जति ।
धितिबलिया तवसूरा, णिति य गच्छात? ते पुरिससीहा ।
बलवीरियसंघयणा, उवसग्गसहा अभीरू य ॥६४८४॥
"धतिबलिया०" गाहा । तवसूरा समत्था, बल वीरियग्रहणं धिति-सरीर-संघयणाणं चउव्विहभंगोपदर्शनार्थं । परीसहोवसग्गाणं अभीरू ।
इदाणिं थेरकप्पट्टितीसंजमकरणुज्जोवा, णिप्फातग णाणदंसणचरित्ते । दीहाउ वुड्डवासो, वसहीदोसेहि य विमुक्का ॥६४८५॥ "संजम०" गाहा । संजमो सत्तरसविहो । तं करेंतीति संजमकरणुज्जोव त्ति तवसा
