________________
भासगाहा-६४६८-६४८०] छट्ठो उद्देसो
१००५ आयंबिल बारसमं, पत्तेयं परिहारिगा परिहरति ।
अभिगहितएसणाए, पंचण्ह वि एगसंभोगो ॥६४७३॥
"आयंबिल०" गाहा । परिहारिया बारससमं काऊणं आयंबिलेण पारंति । तं पि अभिग्गहिताए एसणाए उवरिमाणं पंचण्हं अन्नतरीए अणि[य]याए । तधा अणुपरिहारिया वि तेसि दिवसे दिवसे आयंबिलं, कप्पट्ठिअस्स वि गिण्हंति । तेर्सि पंचण्ह वि एक्को संभोगो। परिहारियाणं पत्तेयं पत्तेयं संभोगो ।
परिहारिआ वि छम्मासे अणुपरिहारिआ वि छम्मासे ।
कप्पट्टितो वि छम्मासे एते अट्ठारस उ मासा ॥६४७४॥
"परिहारिआ०" सिलोगो । परिहारिया छम्मासे वइरित्ता । पच्छा अणुपरिहारिया छम्मासा वहति । इयरे अनुपरिहारिया भवंति । तेहिं ढेहिं कप्पट्टिओ छम्मासे वहति । ततो तेसिं एगो कप्पट्टिओ भवति । एगो पुण परिहारियो । एवं अट्ठारस मासा भवंति ।
अणुपरिहारिगा चेव, जे य ते परिहारिगा । अण्णमण्णेसु ठाणेसु, अविरुद्धा भवंति ते ॥६४७५॥ गएहिं छहिं मासेहिं, निविट्ठा भवंति ते । ततो पच्छा ववहारं, पट्टवंति अणुपरिहारिया ॥६४७६॥ गएहिं छहिँ मासेहि, निव्विट्ठा भवंति ते । वहइ कप्पट्ठितो पच्छा, परिहारं तहाविहं ॥६४७७॥ अट्ठारसहिं मासेहिं, कप्पो होति समाणितो । मूलट्ठवणाएँ समं, छम्मासा तु अणूणगा ॥६४७८॥ एवं समाणिए कप्पे, जे तेसिं जिणकप्पिया । तमेव कप्पं ऊणा वि, पालए जावजीवियं ॥६४७९॥ अट्ठारसेहिं पुण्णेहि, मासेहिं थेरकप्पिया । पुणो गच्छं नियच्छंति, एसा तेसिं अहाठिती ॥६४८०॥
"अणुपरि०" ["गएहिं छहिं०'' "गएहिं छहिं०" "अट्ठारसहिं०'' "एवं समाणिए०" "अट्ठारसेहिं०"] सिलोगद्वयम् । एते अण्णमण्णेसु ठाणेसु एक्कमेक्कस्स करेंता अविरुद्धा भवंति । एवं करेंता अट्ठारसहिं मासेहिं कप्पो होइ समाणिओ । मूलट्ठवणा
