________________
१००४ विसेसचुण्णि
[कप्पट्टिइपगयं तत्तो अणूणए कप्पे, उवसंपज्जति जो तहिं ।
उवसंपज्जमाणं तु, तप्पमाणं गणं करे ॥६४६८॥
"तत्तो अणू०" सिलोगो । कयाइ ण चेव उवद्दवेहिं कोइ मओ होज्ज । ताहे जे उवसंपज्जणट्ठाए एंति, जइ ते णव पुण्णा, ताहे वीसुंभगणो भवति । अह अपुण्णा तो पडिक्खाविजंति जाव अण्णे एंति । तेहिं पूरित्ता वीसुं गणो भवति ।
पमाणं कप्पट्ठितो तत्थ, ववहारं ववहरित्तए ।
अणुपरिहारियाणं पि, पमाणं होति से विऊ ॥६४६९॥
“पमाणं कप्प०" सिलोगो । तेसिं परिहारियाणं पच्छित्तं दाउं कप्पट्टिओप्पमाणं । एयं ववहारं ववहरित्तए एते वि आवजंति । एवं अणुपरिहारियाणं पि कप्पट्टिओप्पमाणं ववहारं ववहरित्तए।
आलोयण कप्पट्टिते, तवमुज्जाणोवमं परिवहंते । अणुपरिहारिएँ गोवालए, व णिच्च उज्जुत्तमाउत्ते ॥६४७०॥
"आलोयण" गाहा । तेसिं परिहारियाणं अणुपरिहारियाणं आलोयणं वंदणगपच्चक्खाणं कप्पट्ठिए भवइ । 'तवमुज्जाणोवमं' ति । जहा कोवि उज्जाणं गओ, एगंत सुहपसुत्तो सच्छंदसुहं विहरमाणो अच्छइ । एवं ते परिहारिया एगंतर ति पसत्ता तवं परिहरंति कुर्वन्तीत्यर्थः । अणुपरिहारिया चेव निच्चमुज्जुत्तमाउत्ता जहा गोवालगो गावीण मग्गेणं उज्जुत्तो आउत्तो व हिंडइ। एवं पत्तेयं पत्तेयं अणुपरिहारिया वि उज्जुत्तमाउत्ता हिंडंति ।
पडिपुच्छं वायणं चेव, मोत्तूणं णत्थि संकहा ।
आलावो अत्तणिद्देसो, परिहारिस्स कारणे ॥६४७१॥
"पडिपच्छ०" सिलोगो । परिहारियआलावो आत्मनिर्देशे । उट्रेज्जति णिसीएज्जा, एवमादि 'कारणे' त्ति एयं चेव कारणं । जं न सक्कं तो एवं भणति ।
बारस दसट्ठ दस अट्ठ छ च्च अद्वेव छ च्च चउरो य । उक्कोसमज्झिमजहण्णगा उ वासा सिसिर गिम्हे ॥६४७२॥
"बारस०" गाहा । वासारत्ते हेमंते गिम्हे एतम्मि तिविहे काले एतेसिं उक्कोसं मज्झिमं जहण्णं च तवं भण्णति । वरिसारत्ते उक्कोसं बारसमं, हेमंते उक्कोसं दसमं, गिम्हे उक्कोसं अट्ठमं । मज्झिमं वरिसारत्ते दसमं, हेमंते अट्ठमं, गिम्हे छटुं । जहण्णं वरिसारत्ते अट्ठमं, हेमंते छटुं, गिम्हे चउत्थं ।
