________________
भासगाहा-६२३०-६२४५] छट्ठो उद्देसो
गुरुतो य होइ मासो, गुरुगतरागो य होइ चउमासो । अहगुरुगो छम्मासो, गुरुगे पक्खम्मि पडिवत्ती ॥६२३७॥ तीसा य पण्णवीसा, वीसा पन्नरसेव य । दस पंच य दिवसाइं, लहूसगपक्खम्मि पडिवत्ती ॥६२३८॥ गुरुगं च अट्ठमं खलु, गुरुगतरागं च होइ दसमं तु । आहागुरुग दुवालस, गुरुगे पक्खम्मि पडिवत्ती ॥६२३९॥ छटुं च चउत्थं वा, आयंबिलएगठाणपुरिमड्डा । निव्वियगं दायव्वं, अहलहुसगगम्मि सुद्धो वा ॥६२४०॥
"गुरुओ०" ["लहुसो लहु०" "गुरुतो य०" "तीसा य०" "गुरुगं च०" "छ8 च०"] गाहाओ पूर्वोक्ताओ ।
[सुत्तं] दित्तचित्तं निग्गंथिं निग्गंथे गिण्हमाणे वा अवलंबमाणे वा नाइक्कमइ ॥६-११॥
पूर्वोक्तं दित्तचित्तं सुत्तं उच्चारेयव्वं । एसेव गमो नियमा, दित्तादीणं पि होइ णायव्वो ।
जो होइ दित्तचित्तो, सो पलवति णिच्छियव्वाइं ॥६२४१॥ "एसेव०" गाहासिद्धं । इति एस असम्माणा, खित्ता सम्माणतो भवे दित्ता । अग्गी व इंधणेणं, दिप्पति चित्तं इमेहिं तु ॥६२४२॥ लाभमएण व मत्तो, अहवा जेऊण दुज्जए सत्तू । दित्तम्मि सायवाहणों, तमहं वोच्छं समासेण ॥६२४३॥ महुराऽऽणत्ती दंडे, सहसा निग्गम अपुच्छिउं कयरं । तस्स य तिक्खा आणा, दुहा गता दो वि पाडेउं ॥६२४४॥ सुतजम्ममहुरपाडणनिहिलंभनिवेदणा जुगव दित्तो । सयणिज्ज खंभकुड्डे, कुट्टेइ इमाइं पलवंतो ॥६२४५॥
