________________
९६८
विसेसचुण्णि
[खित्तचित्ताइपगयं सच्चं भण गोदावरि !, पुव्वसमुद्देण साविया संती । साताहणकुलसरिसं, जति ते कूले कुलं अत्थि ॥६२४६॥ उत्तरतो हिमवंतो, दाहिणतो सालिवाहणो राया । समभारभरक्कंता, तेण न पल्हत्थए पुहवी ॥६२४७॥ एयाणि य अन्नाणि य, पलवियवं सो अणिच्छियव्वाइं । कुसलेण अमच्चेणं, खरगेणं सो उवाएणं ॥६२४८॥ विद्दवितं केणं ति व, तुब्भेहिं पायतालणा खरए ।
कत्थ त्ति मारिओ सो, दुट्ट त्ति य दरिसिते भोगा ॥६२४९॥
"इति एस०" ["लाभमएण" "महुराऽऽणत्ती०" "सुतजम्म०" "सच्चं भण" "उत्तरतो हिम०" "एयाणि य०" "विद्दवितं केणं०"] गाहासिद्धं । सव्वं विद्दवितं कुटुं । खंभा य विनासिता । एस लोइओ । लोउत्तरिओ इमो
महज्झयण भत्त खीरे, कंबलग पडिग्गहे य फलए य । पासाए कप्पट्टी, वातं काऊण वा दित्ता ॥६२५०॥ दिवसेण पोरिसीए, तुमए पढितं इमाएँ अद्धेणं ।
एतीऍ णत्थि गव्वो, दुम्मेहतरी' को तुझं ॥६२५१॥
"महज्झयणं०" ["दिवसेण पोरिसीए०"] गाहा । एगा पोरिसीए ठविअं भत्तं, उक्कोसयं । तम्मि खेत्ते दुल्लभं तं कोइए लद्धं खीरं वा उक्कोसयं दुल्लभं तम्मि खेत्ते, उवहिम्मि कंबलरयणं, पडिग्गहं य उक्कोसयं, चंपकपट्टफलयं पासायं उक्कोसयं, कयमित्तं लभित्ता, ईस्सरधूयं वा रूववति, अक्खुयजोणि सिस्सणियं लभित्ता वादे वा परप्पवाति दुज्जयं णिज्जिणित्ता दित्ता होज्जा । एवं दित्ताए इमा जयणा ।
तद्दव्वस्स दुगुंछण, दिटुंतो भावणा असरिसेणं । काऊण होति दित्ता, वादकरणे तत्थ जा ओमा ॥६२५२॥ दुल्लभदव्वे देसे, पडिसेहितगं अलद्धपुव्वं वा । आहारोवहि वसही, अक्खतजोणी व धूया वि ॥६२५३॥ पगयम्मि पण्णवेत्ता, विज्जाति विसोधि कम्ममादी वा । खुड्डीय बहुविहे आणियम्मि ओभावणा पउणा ॥६२५४॥
