________________
भासगाहा-६२१९-६२२९]
छट्ठो उद्देसो कामं आसवदारेसु वट्टियं पलवितं बहुविधं च । लोगविरुद्धा य पदा, लोउत्तरिया य आइण्णा ॥६२२४॥ चउरो य हुंति भंगा, तेसिं वयणम्मि होति पण्णवणा । परिसाए मज्झम्मी, पट्टवणा होति पच्छित्ते ॥६२२५॥
"कामं०" ["चउरो य०"] गाहा । कण्ठ्या । चोदकवचनप्रज्ञापनार्थं आयरियो चत्तारि भंगे पण्णवेति ।
वड्डति हायति उभयं, अवट्ठियं च चरणं भवे चउहा ।
खइयं तवोवसमियं, मिस्समहक्खाय खेत्तं च ॥६२२६॥
"वडति०" गाहा । कस्सइ चरित्तं वडइ १, कस्सइ हायइ २, कस्सति वडइ वि हायइ वि ३, कस्सइ अवट्टियं ४। एषां यथासंख्यं ज्ञापनार्थम् इदम् - "खइयं०" पच्छद्धं । खइयं खइयसेढीपविट्ठस्स वड्डइ । उवसामगसेढीतो पडिपयमाणस्स हायति । खओवसमियं चरित्तं वड्इ वि हायइ वि । अहक्खायस्स चरित्तं खित्तचित्ताए य अहट्टियं । एएण कारणेणं अपच्छित्ता । किं चान्यत्
न य बंधहेउविगलत्तणेण कम्मस्स उवचयो होति ।
लोगो वि एत्थ सक्खी, जह एस परव्वसा कासी ॥६२२७॥ "न य०" गाहा । कण्ठ्या । बंधहेतुवियलत्तणे इयं व्याख्यारागद्दोसाणुगया, जीवा कम्मस्स बंधगा हति । रागादिविसेसेण य, बंधविसेसो वि अविगीओ ॥६२२८॥
"रागद्दोसा०" गाहा । 'रागादिविसेसणं' ति तीव्रादि । एवं कम्मबंधो वि । को दिटुंतो जधा अपच्छित्ती ? उच्यते
कुणमाणा वि य चेट्ठा, परतंता नट्टिया बहुविहातो । किरियाफलेण जुज्जति, न जहा एमेव एतं पि ॥६२२९॥
"कुणमाणा०" गाहा । 'परतंत' त्ति परप्रयोगत इत्यर्थः । क्रिया कर्मेत्यर्थः । तेन क्रियाफलेन युज्यते न जहा एवं इमा वि परप्रयोगत्वात् कर्मबंधेन न लिप्यते ।
