________________
९६४
विसेसचुण्णि
[खित्तचित्ताइपगयं रन्नो निवेइयम्मि, तेसिं वयणे गवेसणा होति ।
ओसह वेज्जा संबंधुवस्सए तीसु वी जयणा ॥६२१९॥ "रन्नो०" गाहा । अस्य व्याख्यापुत्तादीणं किरियं, सयमेव घरम्मि कोइ कारेति ।
अणुजाणंते य तहिं, इमे वि गंतुं पडियरंति ॥६२२०॥
"पुत्तादीणं०" गाहाद्वयम् । जइ राया पुत्तादीणं सयं किरियं कारवेति ताहे रण्णो निवेदिज्जइ । ओसहादिसु अलब्भमाणेसु, अहवा लब्भमाणेसु वि निवेदिज्जइ-तुब्भं सन्नाइया गिलाणा । ताहे जइ भणति-मम पुत्तादीणं किरिया कीज्जइ तो इहं चेव आणेह । ताहे तत्थ निज्जति एवं तेसिं वयणे होहि त्ति गच्छेल्लया वि तत्थ गंतं पडियरंति । 'ओसहभेसज्जसबंधुवस्सए' त्ति अस्य व्याख्या
ओसह विज्जे देमो, पडिजग्गह णं इहं ठिताऽऽसण्णं ।
तेसिं च णाउ भावं, ण देंति मा णं गिहीकुज्जा ॥६२२१॥ __ "ओसह०" गाहा । कयाइ रायादि सण्णातया भणेज्ज-ओसहवेज्जं च संदिसामो। अम्हं चेव आसण्णे ठाउं तुब्भे चेव पडिचरह । तेसिं च भावो णायव्वो । मा गिहत्थीकरेज्जा ताहे तत्थ णाणेयव्वा । 'तीसु वि जयण' त्ति अस्य व्याख्या
आहार उवहि सिज्जा, उग्गमउप्पायणादिसु जयंति । वायादी खोभम्मि व, जयंति पत्तेग मिस्सा वा ॥६२२२॥
"आहार०" गाहा । उग्गमादिसु जयंति अप्पणा पडिचरगा य । एतं दिव्वितं गतं एवं वातखोभादिसु वि जइयव्वं । 'पत्तेयमिस' त्ति एगो वा वंदेण वा अहवा पत्तेयं संभोइया मीसा असंभोइएहि वि ।।
पुव्वद्दिवो य विही, इह वि करेंताण होति तह चेव । तेइच्छम्मि कयम्मि य, आदेसा तिण्णि सुद्धा वा ॥६२२३॥
"पुव्वुद्दिवो य०" गाहा । पुव्वुद्दिट्ठो गिलाणसुत्ते तेइच्छे कए आयेसा तिण्णि-गुरुओ लहुओ लहुयसगो एते पूर्वोक्ताः । अहवा सुद्धा अपायच्छित्तीत्यर्थः । अत्राह चोदक:आसवदारेसु वट्टियव्वं, बहुविधं च पलवियं, लोइय-लोउत्तरिए विरुद्धं च आचीर्णं कहं सा अपच्छित्ती भवति ? आचार्याह
