________________
भासगाहा-३७०१-३७१६] तइओ उद्देसो
५०३ पदमिता मि घरासे, तेण हतासेण तो ठिता धम्मे । सिटुं दाइ रहस्सं, ण कहिज्जइ जं अणत्तस्स ॥३७०९॥ रिक्खस्स वा वि दोसो, अलक्खणो सो अभागधिज्जो णु । न य निग्गुणा मि अज्जो !, तुब्भे वि य नाहिइ विसेसं ॥३७१०॥ इकलत्तविओगे, अण्णम्मि य तारिसे अविज्जंते । महतरयपभावेण य, अहमवि एमेव संबंधो ॥३७११॥ किं पेक्खह सारिक्खं ?, मोहं मे णेति मज्झ वि तहेव ।
उच्छंगगता मि मता, इहरा ण वि पत्तियंतो मि ॥३७१२॥
["संजम महातलागस्स०" "संजम अभिमुहस्स०" "अहवा पालयतीति०" "मोहतिगिच्छा०" "ओमाणस्स०" "पदूमिता०" "रिक्खस्स०" "इट्ठकलत्त०" "किं पिच्छह०"] ओमाणो सवत्तीहि । पदूमिताक्लेशविता इत्यर्थः । 'किं पेक्खह सारिक्खं'ति वयणं मोहं मे णेति मुच्छिज्जामि । संजयवयणं मज्झ वि त्ति ।
इति संदसण संभासणेहि भिन्नकध विरहजोएहिं ।
सेज्जातरादिपासण, वोच्छेद दुदिट्ठधम्म त्ति ॥३७१३॥
"इति संदसण०" गाहा । इति उपप्रदर्शनार्थः परिसमाप्तौ च । अत्र उपप्रदर्शनार्थः एवं ताणि संदंसणादीहिं जाव पडिसेवणं वा करेमाणाणि सेज्जायरेण दिट्ठाणि परिजणेण वा से वोच्छेदविभासा । एवं सो विद्दातो पडिसेवेज्ज लिंगेण लिंगिणीए संपविज्जति णियच्छती मूढो निरयाउयं निबंधइ असायणया अबोही य । एवं आय-परसमुत्थेहिं दोसेहिं संजमपालीए भेदो भवति । एवं चिट्ठित्तए त्ति पदं समत्तं ।।
इदाणिं णिसियणादीणि सुत्ताभिहिताणि पदाणि भण्णंति
पयला निद्द तुअट्टे, अच्छिद्दिम्मि चमढणे मूलं । पासवणे सच्चित्ते, संका वुच्छम्मि उड्डाहो ॥३७१४॥ पयला निद्द तुअट्टे, अच्छीणं चमढणम्मि चउगुरुगा । दिढे वि य संकाए, गुरुगा सेसेसु वि पदेसु ॥३७१५॥ सज्झाएण णु खिण्णो, आउं अण्णेण जेण पयलाति । संकाएँ हुति गुरुगा, मूलं पुण होति णिस्संके ॥३७१६॥
१. इय मुच ।
