________________
५०२
विसेसचुण्णि [निग्गंथी उवस्सयपवेसपगयं वियारे त्ति । अस्य व्याख्यानोल्लेऊण ण सक्का, अंतो वा होज्ज णत्थि वीयारो । संते वा ण पवत्तति, णिच्छुभण विणास गरिहा य ॥३७०१॥
"नोल्लेत्तूण०" गाहा । कण्ठ्या । णवरं णिच्छुभण त्ति अविदिणे णिच्छुभंति वोसरंतीओ । भिक्ख त्ति । अस्य व्याख्या
सतिकालफेडणे एसणादिपेलंतऽपेल्लणे हाणी । संकायऽभाविएसु य, कुलेसु दोसा चरंतीणं ॥३७०२॥
"सइकालफेडणे०" गाहा । कण्ठ्या । णवरं हाणि त्ति । सुत्तत्थाणं । सज्झाए त्ति अस्य व्याख्या
सज्झाए वाघातो, विहार भूमिं व पत्थिय णियत्ता । अकरण णासाऽऽरोवण, सुत्तऽत्थ विणा य जे दोसा ॥३७०३॥
"सज्झाए वाघातो०" गाहा । कण्ठ्या । पालीय होति भेदो अप्पाण परे तदुभए य [३६७४] इति दारं-संजमपालीए भेदो एगा तत्थ पडिस्सयपालिया अच्छति । तेणं भण्णतिकहिं गयाओ अज्जाओ? सा भणति-भिक्खस्स । सो भणति-तुमं किण्ण गया ? सा भणतिमोहतिगिच्छाखमणं करेमि । सो भणति-अहमवि मोहतिगिच्छाखमणं करेमि । तेणं भण्णतिकहं ते धम्मो बोहिलद्धा ? सा भणति-भोयगो मे मतो । अधवा तस्साहं अचियत्ता । तेणं भण्णति-अहमवि एवं चेव । एत्थ विभासा गाहाओ कण्ठाओ ।
संजम महातलागस्स णाणवेरग्गसुपडिपुण्णस्स । सुद्धपरिणामजुत्तो, तस्स उ अणइक्कमो पाली ॥३७०४॥ संजम अभिमुहस्स वि, विसुद्धपरिणामभावजुत्तस्स । विकहादिसमुप्पण्णो, तस्स उ भेदो मुणेयव्वो ॥३७०५॥ अधवा पालयतीति, उवस्सयं तेण होति सा पाली । तीसे जायति भेदो, अप्पाणपरोभयसमुत्थो ॥३७०६॥ मोहतिगिच्छा खमणं, करेमि अहमवि य बोहि पुच्छा य । मरणं वा अचियत्ता, अहमवि एमेव संबंधो ॥३७०७॥ ओमाणस्स व दोसा, तस्स व गमणेण सग्गलोगस्स । महतरियपभावेण य, लद्धा मे संजमे बोही ॥३७०८॥
