________________
॥ पूयाभत्तउवगरणपगयं ॥ [सुत्तं]-सागारियस्स पूयाभत्ते उद्देसिए चेइए पाहुडियाए, सागारियस्स उवगरणजाए निट्ठिए निसट्टे पाडिहारिए, तं सागारिओ देज्जा सागारियस्स परिजणो देज्जा, तम्हा दावए नो से कप्पइ पडिगाहित्तए ॥२-२०॥
सम्बन्धोदव्वे छिण्णमछिण्णं, ण कप्पती कप्पए य इति वुत्तं । इदमण्णं पुण भावे, अव्वोच्छिण्णम्मि पडिसिद्धं ॥३६५३॥ अविसेसिओ व पिंडो, हेट्ठिमसुत्तेसु एसमक्खातो । इह पुण तस्स विभागो, सो पुण उवकरण भत्ते वा ॥३६५४॥ "दव्वे छिन्नमछिन्नं०" ["अविसेसिओ०"] गाहाद्वयं कण्ठ्यम् । संबंधी सामि गुरू, पासंडी वा वि तं समुद्दिस्स ।
पूया उक्खित्तं ति य, पट्टगभत्तं च एगट्ठा ॥३६५५॥
"संबंधी०" गाहा । सम्बन्धी यं अधिकृत्य समुद्दिस्स पासंडिणं वा समुद्दिस्स पूजनीयाः पुज्जा उक्खित्तभत्तं ति वा पेट्टयभत्तं ति वा एगटुं ।
चेइय कडमेगटुं, पाहुडिय पहेणगं च एगट्ठा । उवगरणं वत्थादी, जाव विभागो व जोग्गं वा ॥३६५६॥ निट्ठिय कडं च उक्कोसकं च दिण्णं तु जाणसु णिसटुं ।
भुत्तुव्वरियं पडिहारियं तु इयरं पुणो चत्तं ॥३६५७॥
"चेइयकड०" ["निट्ठिय०"] गाहा । तेषां पूज्यानां भत्तं चेतितं ति वा कडं ति वा एगटुं । चेतितं नाम तेसिं उवणीयं, पाहुडिया नाम पाहुडं ति वा पडेणयं ति वा एगहुँ । चेतितं रियस्स उवगरणं णिट्ठियं पडिसमत्तं । णीसटुं णाम तेसिं दिण्णं, पाडिहारियं नाम भुत्तावसेसं । अहं तं एवं प्रकारं संजताणं सागारिओ वा देज्ज, सागारियस्स वा परियणो देज्ज तम्हा दावए, णो से कप्पइ पडिगाहेत्तए, सागारियपिंडो त्ति काउं ।
[सुत्तं]-सागारियस्स पूयाभत्ते उद्देसिए चेइए जाव पाडिहारिए, तं नो सागारिओ देज्जा नो सागारियस्स परिजणो देज्जा, सागारियस्स पूया देज्जा,
