________________
॥ अंसियापगयं ॥
[सुत्तं]-सागारियस्स अंसियाओ अविभत्ताओ अव्वोच्छिन्नाओ अव्वोगडाओ अनिज्जूढाओ, तम्हा दावए नो से कप्पइ पडिग्गाहित्तए ।
सागारियस्स अंसियाओ विभत्ताओ वोच्छिन्नाओ वोगडाओ निज्जूढाओ, तम्हा दावए एवं से कप्पइ पडिग्गाहित्तए ॥२-१९॥
"सागारियस्स अंसियाओ अविभत्ताओ जाव नो कप्पइ पडिग्गाहित्तए०" । छिन्नममत्तो कप्पति, अच्छिण्णो ण कप्पती अह तु जोगो ।
पत्तेगं वा भणितो, इयाणि साहारणं भणिमो ॥३६४३॥ [“छिन्नममत्तो०"] सम्बन्धो गाहासिद्धः । सागारियस्स अंसिय, अविभत्ता खेत्तजंतभोज्जेसु ।
खीरे मालाकारे, सगारदिटुं परिहरंति ॥३६४४॥ [नि० ] "सागारियस्स०" दारगाहा । अस्य व्याख्याअंसो ति व भागो ति व, एगट्ठा पुंज एव अविभत्ता । कतभागो वि ण सव्वो, वोच्छिज्जति सा अवोच्छिन्ना ॥३६४५॥ अव्वोगडा उ तुझं, ममं तु वा जा ण ताव णिद्दिसति । तत्थेव अच्छमाणी, होति अणिज्जूहिया अंसी ॥३६४६॥
"अंसो त्ति वा" ["अव्वोगडा०"] गाहाद्वयम् । अंसो त्ति वा भागो त्ति वा एगटुं। ताओ अविभत्ताओ। अविभत्ता णाम एग पुंजो चेव सामन्नो अच्छइ सव्वोछिन्ना नाम भागा कया मूलरासीओ, न पुण वोच्छिज्जइ । सव्वोगडा णाम समभागा कया ण ताव णिद्दिसइ - ‘एस तुज्झ एस मज्झं'ति । अणिज्जूढा णाम णिद्दिज्जए भावा फेडिज्जइ तओ देइ ण कप्पति । सा पुण अंसिया तत्थ होज्ज । इमेहिं खेत्तादीएहि दारेहिं । खेत्तदारस्स व्याख्या -
सीताति जन्नो पहुगादिगा वा, जे कप्पणिज्जा जतिणो भवंति । सालीफलादीण व णिक्कयम्मि, पडेज्ज तेल्लं लवणं गुलो वा ॥३६४७॥ "सीताइ०" वृत्तम् । सीया जन्नओ जइज्जति । सेसं कण्ठ्यम् ।
१. चत्तादीएहिं अ ब क ड इ ।
