________________
४७४
विसेसचुण्णि
[सागारियपारिहारियपगयं निग्गमगाइ बहि ठिए, अंते खेत्तस्स वज्जए सव्वं । बाहिं तद्दिणणीए, सेसेसु पसंगदोसेण ॥३५६९॥ ठितो जया खेत्तबहिं सगारो, भत्तादियं तस्स दिणे दिणे य । अच्छिण्णमाणिज्जति निज्जती य, गिहा तदा होति तहिं वि वज्जे ॥३५७०॥
"निग्गमादि बहि ट्ठिए०" ["ठितो जया०"] गाहा । जं अंतो खेत्तस्स तं सव्वं सेज्जायरपिंडो ‘दोसु वि अव्वोच्छिन्नं'ति खेत्तबाहिं ठियस्स जं निज्जइ भत्त-पाणं सो सेज्जायरपिंडो । जं आणिज्जइ पारियासियं च न सो सेज्जातरपिंडो, न पुण घेप्पइ । मा पसंगदोसो होहिति । 'जंतम्मि जं च पाउग्गं'ति ।
बाहिं ठिय पठियस्स उ, सयं व संपत्थिया उ गेण्हंति । तत्थ उ भद्दगदोसा, ण होंति ण य पंतदोसा उ ॥३५७१॥
"बाहिं ठित०" गाहा । खेत्तबाहिं ठियस्स जाए वेलाए संपट्ठिओ ताए वेलाए कप्पइ। साहुणो वा संपट्ठिया बाहिं ठिओ देइ कप्पइ जं पाउग्गं । अंतो वा खेत्तस्स सिज्जायर कच्छपुडिओ संववहरइ । देवकुले वा संखडिं करेइ । णाग-जन्नगादी कट्ठछेदणिमित्तं वा अडवी पविट्ठो जं देइ किं सेज्जायरपिंडो असेज्जायरपिंडो ? अत उच्यते
अंतो बहि कच्छउडियादि ववहरंते पसंगदोसा उ । देउल जण्णगमादी, कट्ठादऽडवि व वच्चंते ॥३५७२॥
"अंतो बहि कच्छउडि०" गाहा । जं अंतो खेत्तस्स तं सव्वं सेज्जायरपिंडो, जं वा [बाहिं] खेत्तस्स तं न होइ सेज्जायरपिंडो, पसंगदोसेहिं पुण न कप्पइ । 'असई य घरम्मि सो च्चेव'त्ति [गा० ३५६८] पवेसियस्स सेज्जातरस्स घरे वि न कप्पइ सोच्चेव सेज्जातरपिंडो ।
एतदेवार्थं -
मुत्तूण गेहं तु सपुत्त दारो, वाणिज्जमादी जति कारणेहिं । सयं व अण्णं व वएज्ज देसं, सेज्जातरो तत्थ स एव होति ॥३५७३॥
१. बाहिं वा खेत्तस्स इत्यधिकं अ ब इ ।
