________________
४६९
भासगाहा-३५३८-३५४७] बीओ उद्देसो
"सव्वेसि०" गाहा । 'तप्परिहारीणं' ति तित्थंकराणा अन्नातं उंछं भोत्तव्वं । तं न जुज्जइ जत्थ ठिया तस्सामिणं गेण्हंतस्स । 'उग्गमो न सुज्झे' अस्य व्याख्या
बाहुल्ला गच्छस्स उ, पढमालिय पाणगादिकज्जेसु।
सज्झाय करण आउट्टिता करे उग्गमेगतरे ॥३५४३॥
"बाहुल्ला०" गाहा । बहुयत्तणेण बाहुल्ला, उग्गमदोसो वा, अभिक्खगहणेणं करेज्जा स्वाध्यायमन्ताः साधवः चारित्रमन्ताः साधवः । एतेहिं आउट्टाविया । अविमुत्तीए व्याख्या
दव्वे भावेऽविमुत्ती, दव्वे वीरल्ल हारुबंधणता । सउणग्गहणे कड्डण, पइद्ध मुक्को वि आणेइ ॥३५४४॥ भावे उक्कोस-पणीयगेहितो तं कुलं ण छड्डेति । पहाणादी कज्जेसु व, गतो वि दूरं पुणो एति ॥३५४५॥
"दव्वे० ["भावे०"] । गाहाद्वयम् । दव्वे जहा वीरल्ल सउणओ दोरेण बद्धो पक्खी विघातेउं तेण दोरेण आणिज्जइ दूरमवि गओ । “भावे उक्कोस०" गाहा । कण्ठ्या । लाघवस्स व्याख्या
उवहि सरीरमलाघव, देहे णिद्धाइविंघियसरीरो । संघंसग सासभया, ण विहरइ विहारकामो वि ॥३५४६॥
"उवहि सरीर०" गाहा । समुद्दिसंतो परिवूढो भवति । एस सरीर अलाघवस्स । उवगरण-अलाघवस्स इमा गाहा
सागारि पुत्त भाउग, णत्तुग दाण अतिखद्ध भारभया । ___ण विहरति ओम सावय, णियडाऽगणि भाण एज्ज त्ति ॥३५४७॥
"सागारि पुत्त०" गाहा । एगो साहू ठिओ । तस्स उवहीसागारियस्स भाया पिया पुत्ता नत्तुगा य उवकरणं देंति । तं खलु उवकरणं जायं । तेण पडिबंधेणं न विहरइ । दुब्भिक्खं च जायं । ताहे सेज्जायरेण चिंतियं, एसो अम्हे य मरिस्सामो । तेण सण्णाभूमिं गयस्स उवकरणं णीणेत्ता संगोवेत्ता वसही झामिता । आगएण दिटुं । ताहे सो भायणाणि घेत्तूण गओ । भणिओ य सिज्जायरेण - पुणो एज्जह । सुयाले आगओ । तं च से सिटुं । दिन्नं च सव्वं । एए दोसा 'अलाघवे दुल्लभ सेज्ज'त्ति, अस्य व्याख्या
१. = श्येनपक्षी (पासम ८१४) ।
