________________
४६७
भासगाहा-३५२९-३५५७] बीओ उद्देसो
"दुविह०" गाहा ।
आहारोवहि दुविहो, विदु अण्णे पाण ओहुवग्गहिए । असणादिचउर ओहे, उवग्गहे छव्विहो एस ॥३५३३॥ अण्णे पाणे वत्थे, पादे सुयादिया य चउर? । असणादी वत्थादी, सूचादि चउक्कका तिन्नि ॥३५३४॥ तणडगलछारमल्लगसेज्जासंथारपीढलेवादी ।
सेज्जातरपिंडो सो, ण होति सेहो य सोवहिओ ॥३५३५॥
"आहारोवहि०" ["अण्णे पाणे०" "तण-डगला०"] वक्खाणगाहा । सूइयादी जेसिं ते सूयादीया । सूई पिप्फलगा णहच्छेदणगा कन्नसोहणं, एस अट्ठविहो बारसविहो असणादि एक ४। वत्थ-पडिग्गह-कंबल-पादपुंछणं । सूयादीगा य चत्तारि। कइविहे त्ति गयं ।
इदाणिं असेज्जायरो व्व काहे त्ति
आपुच्छिय उग्गाहिय, वसहीतो णिग्गतोग्गहे एगे। पढमादि जाव दिवसं, वुत्थे वज्जेज्जऽहोरत्तं ॥३५३६॥
"आपुच्छिय०" गाहा । एत्थ नेगमपक्षाश्रिता आह-एगो भणइ-जया सेज्जायरो आपुच्छिओ भवइ । 'उच्छू वोलिंति वई' गाहा [गा० १५३९] । तदा असेज्जायरो भवइ । अन्नो भणइ-निग्गंतुकामेहिं उग्गाहिते असेज्जायरो भवइ । अन्नो जाहे वसहीए निग्गया ताहे असेज्जायरो भवइ । 'पढमाए जाव दिवसं' अस्य व्याख्या-पढमाए पोरिसीए दिवसस्स आरब्भ जाव चउत्थे पहरे कप्पइ । कधं पुनरेतत् ज्ञायते ? जहा पढमाए पोरिसीए दिवसस्स आरब्भ । अत उच्यते
अग्गहणं जेण णिसिं, अणंतरेगंतरं दुहिं च ततो । गहणं तु पोरिसीहि, चोदग ! एते अणादेसा ॥३५३७॥
"अग्गहणं जेण णिसिं०" गाहा । रत्तिं सव्वं न कप्पइ घेत्तुं । अन्नो भणइ-पढमाए पोरिसीए गयाणं पुन्नाए असेज्जायरो, एसा अणंतरा । अन्नो भणइ-बिइए जामे गए । एसा एगंतरा । अन्नो भणइ-तइए जामे असेज्जायरो रत्तिं तो एस बिइयंतरो । अन्ने भणइ-चउत्थे जामे असेज्जायरो । अहवा एस बिइयंतरो पढमाओ जामाओ । एए णेगमपक्खस्सियाणं चोयगाणं वयणा । आयरिओ भणइ-एए सव्वे अणादेसा । 'वुत्थे वज्जेज्ज अहोरत्तं' ति । एयं आयरियवयणं । इमो आएसो-जावतिएणं असेज्जायरो भवइ ।
