________________
४६५
भासगाहा-३५१८-३५२८] बीओ उद्देसो
जम्हा धारइ सिज्जं, पडमाणिं छज्ज लेप्पमाईहिं । जं वा तीऍ धरेती, नरगा आयं धरो तम्हा ॥३५२४॥
"गोवाइऊण." ["जम्हा धारइ०"] गाहा । सेज्जाए सारक्खणं संगोवणं, जेण तरइ काउं । तत्थ ठिए या वि रक्खिउं तर त्ति, तत्थ ठिया साहुणो ते सारक्खिउं तरइ तेण सेज्जायरो। अहवा तेण सेज्जापयाणेण संसारं तरइ तेण सेज्जायरो। सागारिय त्ति गयं ।
इयाणिं को पुण त्ति दारं
सेज्जायरो पभू वा, पभुसंदिट्टो व होइ कायव्वो । एगमणेगे व पभू, पभुसंदिढे वि एमेव ॥३५२५॥
"सेज्जायरो पभू वा०" गाहा । जो सो पभू सो एगो वा अणेगो वा होज्जा जे वि पभू संदिट्ठा ते वि एगो वा अणेगो वा होज्ज ।।
सागारिय संदिटे, एगमणेगे चउक्कभयणा तु । एगमणेगा वज्जा, णेगेसु उ वज्जए एक्कं ॥३५२६॥
"सागारिय संदिढे०" गाहा । एत्थ संदिसंतए य संदिद्वेसु य चत्तारि भंगा ।१-एगो पभू एगं संदिसइ, २-एगो पभू अणेगे संदिसइ, ३-बहवे पभुणो एगं संदिसंति, ४-बहवे पभुणो बहवे संदिसंति । ते एगो वा अणेगो वा वज्जणीया । अणेगेसु एगो ठविज्जइ । एस उवरिं भन्निहिति । को पुण त्ति गयं ।
इदाणिं काहे त्ति दारं
अणुणविय उग्गहंगण, पायोग्गाणुण्ण अतिगते ठविते । सज्झाय भिक्ख भुत्ते, णिक्खित्ताऽऽवासए एक्को ॥३५२७॥ पढमे बितिए ततिए, चउत्थ जामे व होज्ज वाघातो । निव्वाघाए भयणा, सो वा इतरो व उभयं वा ॥३५२८॥
"अणुणविय०" ["पढमे०"] गाहा । एत्थ णेगमपक्खासृ(श्रि)ता । आह, एगो भणइ-अणुण्णविए उवस्सए सागारिओ । अन्नओ भणइ-जदा सागारियस्स उग्गहं पविट्ठा तया सागारिओ, अण्णो भणइ-जया अंगणं पविट्ठा । अन्नो भणइ-जया पाउग्गं अणुन्नवियं । अन्नो भणइ-जया वसहिं पविट्ठा । अन्नो भणइ-दंडए निक्खित्ते । अन्नो भणइ-जया सज्झायं काउमाढत्ता । अन्नो-जया भिक्खाए पविट्ठा । अन्नो-जया भुत्तं । अन्नो-भाणेसु निक्खितेसु ।
