________________
॥ उवस्सयपगए आगमणगिहादिसुत्ताणि ॥ [सुत्तं]–नो कप्पति निग्गंथीणं अहे आगमणगिहंसि वा वियडगिहंसि वा वंसीमूलंसि वा रुक्खमूलंसि वा अब्भावगासियंसि वा वत्थए ॥२-११॥
आगमणे वियडगिहे, वंसीमूले य रुक्खमब्भासे । ठायंतिकाण गुरुगा, तत्थ वि आणादिणो दोसा ॥३४८४॥
"आगमणे०" गाहा । आगमणगिहं नाम जत्थ पंथिय-पहिया आगंतूणं अच्छंति तं आगमणगिहं । वियडगिहं च उडवियडगिहं च अहेवियडगिहं च । [अहेवियडगिहं] जं उवरिच्छन्नं हेट्ठा से नत्थि किंचि । उड्डवियडं कूडा अत्थि, छाण्णं नत्थि । वंसीमूलगिहं उसरिया । अहे रुक्खमूलं रुक्खस्स हेट्ठागिहं, अह य रूक्खहेतृ चेव । अब्भावासिगिहं नाम आगासं । 'ठायंतिकाण गुरुग'त्ति ।
आगमगिहादिएसं, भिक्खुणिमादीण ठायमाणीणं । गुरुगादी जा छेदो, विसेसितं चउगुरू वा सिं ॥३४८५॥ आगंतुगारत्थिजणो जहिं तु, संठाति जं चाऽऽगमणम्मि तेसिं । तं आगमोगं ति विऊ वदंति, सभा पवा देउलमादियं वा ॥३४८६॥
"भागमणे०१" ["आगंतुगार०"] गाहा । आगमणगिहादीसु भिक्खुणी ठाइ :: ।४ (चतुर्गुरु) अभिसेया ठाइ :: ६ (षड्लघु) गणावच्छेइणी ::: ।६२ (षड्गुरु) पवत्तिणीए छेदो। अहवा चउगुरुयं चउण्ह वि तवकालविसेसियं । 'तत्थ वि आणादिणो दोस'त्ति । मिच्छत्ते इमा
गाहा
आगमणगिहे अज्जा, जणएण परिवारिया अणज्जेण । दटुं कुलप्पसूता, संजमकामा विरज्जंति ॥३४८७॥ "आगमणगिहे" गाहा । कण्ठ्या । कहं पुण विरज्जइ ? उवस्सए एरिसए ठियाणं, ण सीलभारा सगला भवंति ।
को दाणि हंसेण किणेज्ज काकं, एवं नियत्तंति कुलप्पसूया ॥३४८८॥ "उवस्सए एरिसए ठियाणं०" वृत्तम् । 'को दाणि'त्ति को पुण हंसेण कागं १. आगमणेगिहादिसुं इति विशेषचूर्णिकृत्सम्मतः पाठः सम्भाव्यते । २. नास्ति ड ।
