________________
८११
भासगाहा-५४५३-५४५७]
चउत्थो उद्देसो केसु पुण सीयइ ? पडिलेह दियतुअट्टण, निक्खिव आदाण विणय सज्झाए ।
आलोगठवणभत्तट्ठभासपडलसेज्जातराईसु ॥५४५४॥
“पडिलेह." गाहा । पडिलेहणियं दोण्णि काले यथोक्तं न करेंति । दिवसतो णिवज्जंति' सुवंति य । दंडादि णिक्खवंता ण पडिलेहंति, ण पमज्जंति । दुपडिलेहियं दुपमज्जियं वा करेंति । एवं आदाणे वि गेण्हणे त्ति भणियं होइ । अहारिहं विणयं न पउंजंति । सुत्तपोरुसिं ण करेंति, अत्थपोरुसिं वा।
सत्तविधं आलोयं ण करेंति, संखडिपलोयणाए वा गच्छंति । 'ठवण' त्ति ठवणकुलाई ण ठवेंति, ठवियगरहियादीणि वा भुंजंति । 'भत्तट्ठ' त्ति । मंडलीए ण समुद्दिसंति । गारत्थियभासाहि य भासंति । 'पडलग' त्ति पडलएस आणीयं भुंजंति । सेज्जायरपिंडं भुंजंति । आदिग्रहणेणं उग्गमादि असुद्धं गेहंति । एएसु जइ गच्छो सीयति ण आयरियो । तत्थ इमो विधी
चोयावेइ य गुरुणा, विसीयमाणं गणं सयं वा वि ।
आयरियं सीदंतं, सयं गणेणं च चोयावे ॥५४५५॥
"चोयावेइ०" गाहा। आयरियाणं चोयावेइ । अहवा सो सयं चेव चोएइ, जइ पुण गच्छो न सीदइ आयरितो सीदइ तो सयं वा चोएइ, गच्छेण वा चोयावेति । जति दो वि सीदंति तत्थ इमा गाहा
दणि वि विसीयमाणे, सयं व जे वा तहिं न सीयंति । ठाणं ठाणाऽऽसज्ज उ, अणुलोमाईहिँ चोएति ॥५४५६॥ "दुण्णि वि०" गाहा । कण्ठ्या । चोयणाकालप्रसिद्धये इदमुच्यतेभणमाणे भणाविंते, अयाणमाणम्मि पक्खौ उक्कोसो। लज्जाएँ पंच तिन्नि व, तुह किं ति व परिणय विवेगो ॥५४५७॥
"भणमाणे" गाहा । गच्छे सीयमाणे आयरिए असीदमाणे । सो पुण आयरियो ण जाणइ जहा–गच्छो सीदति । तत्थ सयं चोयेंतो गच्छेण य चोदावेंतो उक्कोसेणं पक्खं अच्छइ । आयरिए पुण सीयमाणे इमो कालो-लज्जाए गोरवेण य पंच वा तिण्णि वा दिवसाणि अभणंतो सुद्धो । अह आयरियो भणइ-तव किं जइ अहं सीदामि तं छंडतो तक्खणमेव निरवेक्खो जाइ।
१. तुयटुंति इति भाव्यम् ? २. न दो वि सीदंतं वा( गा)तो अ ड ।
