________________
७७८
विसेसचुण्णि
[ कालक्खेत्ततिकंतपगयं एवं अवातदंसी, थूले वि कहं ण पासह अवाये । हंदि हु णिरंतरोऽयं, भरितो लोगो अवायाणं ॥५२७६॥
"चोएइ०" ["एवं अवातदंसी०"] गाहा । जति धरिज्जते दोसा भिक्खगहणे वि ते भवंति ? कहं हिंडंतस्स विहारो दुक्खेज्ज काउस्सग्गं करेंतस्स, वीस्समंतस्स, उब्भामगा भिक्खायरियाए जे गया, ते उदिक्खंतस्स, जति तुब्भे पस्सुहुमाणि पेक्खह तो जे इमे थूलतरागा अवाया जेहिं सव्वं व्याप्तं ।
भिक्खादि वियारगते, दोसा पडिणीयसाणमादीया । उप्पज्जंते जम्हा, ण हु लब्भा हिंडिउं तम्हा ॥५२७७॥
"भिक्खादि" गाहाओ । एए थूला अवाया, किं पुण न पासह जम्हा एए सुहुमथूलादिए अवाए, तम्हा तुब्भेहिं न फंडियव्वं ।
अधवा आहारादी, ण चेव निययं हवंति घेत्तव्वा ।
णेवाऽऽहारेयव्वं, तो दोसा वज्जिया होति ॥५२७८॥ "अधवा०" गाहा । आयरियो भणतिभण्णति सज्झमसज्झं, कज्जं सज्झं तु साहए मतिमं ।
अविसज्झं साधेतो, किलिस्सति ण तं च साधेति ॥५२७९॥ "भण्णति०" गाहा । कण्ठ्या । जइ एयविप्पहूणा, तवनियमगुणा भवे निरवसेसा । आहारमादियाणं, को नाम कधं पि कुव्वेज्जा ॥५२८०॥ मोक्खपसाधणहेतू, णाणाती तप्पसाहणो देहो । देहट्ठा आहारो, तेण तु कालो अणुण्णातो ॥५२८१॥
"जइ एय०" ["मोक्खपसाधणहेतू०"] गाहाद्वयं कण्ठ्यम् । जम्हा आहारमंतरेण ण सक्कति णाणादी गुणा हरेउं तेण कालो अणुण्णाओ।
काले तु अणुण्णाए, जति वि हु लग्गेज्ज तेहिँ दोसेहि। सुद्धो वुवादिणंतो, लग्गति उ विवज्जएँ परेणं ॥५२८२॥ पढमाएँ गिण्हितूणं, पच्छिमपोरिसि उवादिणति जो उ। ते चेव तत्थ दोसा, बितियाए जे भणिय पुव्वि ॥५२८३॥
