Page Text
________________
७७४ विसेसचुण्णि
[गिलाणपगयं वणवासीए जरकुमारस्स पउप्पए जितसत्तू नरिंदस्स अंगया ससओ भिसओ य भाउगा पव्वइया । तेसि भइणी सुगुमालिया णाम रूपवई । सा तेहिं पव्वाविया महत्तरियाए दिन्ना । तीसे रूवुम्मत्ता बहवे तरुणा एंति संजईय पडिस्सयं तच्चित्ता अच्छंति । संजईओ ण तरंति पडिलेहणादी काउं । ताहे ता महत्तरियाए सस-भिसया भण्णंति-सुकुमालियाए तणएणं मम अण्णाओ वि विणस्सहिंति तो फेडेत्ता तुब्भे अण्णत्थ सारवेह । ते वीसुं उवस्सयं गहाय बीसुंठविया एगो हिंडइ । एगो रक्खइ । दो वि भायारो साहस्सिमल्ला । जे एंति ते हतविहतलुत्ते करेंति । एगो हिडंतो तिण्ह पज्जत्तं ण रोएति', बितिओ वि पच्छा हिंडंतो सण्णियढेसु दिण्णभिक्खेण रोएइ२ । सो भणतितुब्भे मा दुक्खिया होह । अहं भत्तं पच्चक्खामि । पच्चक्खाए मारणंतियसमुग्घाएणं समोहया । तेहिं णायं कालगय त्ति । एगेणं उवगरणं, एगेणं सा गहिया गच्छंताणं ताए ईसि त्ति भाउफासो वेदितो । साइज्जंतं च । परिठवित्ता गता । इयरी रत्ती वाएणं समासत्था गोसे एगेणं सत्थवाहपुत्तेणं दिट्ठा । ताए सो भणिओ-जइ ते मए कज्जं तो सारवेहिं । सा तेण सारविया । महिला से जाता । ते भायारो अण्णया हिंडंता दटुं पाएसु पडिया परुण्णा जाणिता य पुणो निक्खामिया । एवं जइ ताव तए समुग्घायगयाए साइज्जियं किमंग पुण इयरीए गिलाणीए ?
[सुत्तं] निग्गंथं च णं गिलायमाणं माता वा भगिणी वा धूता वा पलिस्सएज्जा, तं च निग्गंथे सातिज्जेज्जा, मेहुणपडिसेवणपत्ते आवज्जति चाउम्मासियं परिहारट्ठाणं अणुग्घातियं ॥४-१५॥
"निग्गंथं च णं०" सुत्तं उच्चारेयव्वं । एसेव गमो नियमा, निग्गंथीणं पि होति नातव्यो । तासिं कुल पव्वज्जा, भत्तपरिण्णा य भातुम्मि ॥५२६०॥ विउलकुले पव्वइते, कप्पट्टग किढियकालकरणं च । जोव्वण तरुणी पेल्लण, भगिणी सारक्खणा वीसुं ॥५२६१॥ सो चेव य पडियरणे, गमतो जुवतिजण वारण परिण्णा । कालगतो त्ति समोहतो, उज्झण गणिया पुरिसवेसी ॥५२६२॥
"एसेव गमो०" ["विउलकुले०" "सो चेव य०"] गाहा । निग्गंथसुत्तं पि एमेव विभासियव्वं, जहा निग्गंथीसुत्तं । नवरं दोण्हं संजइणं भाउओ पव्वइओ३, सुरूवो, आयरियाणं दिन्नो । सो तरुणीहिं अभिभूयति तेण वि भत्तं पच्चक्खायं । इत्थीफासो भगिणीए परिझुविओ। पुरिसपेसणीए गणियाए दिट्ठो, गहिओ य, पती से जाओ । तहेव दिट्ठो, पुणो पव्वइओ ।
॥गिलाणपगयं समत्तं ॥ १. न लहइ इति भाव्यम् मलवृ । २. न लहइ इति भाव्यम् मलवृ? ३. पव्वाविओ अ ड।
| SR No. | 007787 |
| Book Title | Kappasuttam Vhas Vises Chunni Sahiyam Part 02 |
| Original Sutra Author | Bhadrabahuswami, Sanghdasgani Kshamashraman |
| Author | |
| Publisher | Shubhabhilasha Trust |
| Publication Year | 2016 |
| Total Pages | 423 |
| Language | Prakrit |
| Classification | Book_Devnagari & agam_bruhatkalpa |
| File Size | 4 MB |