________________
७७२
विसेसचुण्णि
[गिलाणपगयं माया भगिणी धूता, तधेव सन्नातिगा य सड्डी य । गारत्थि कुलिंगी वा, असोय सोए य जतणाए ॥५२४५॥ एतासिं असतीए, अगार सण्णाय णालबद्धो य । समणो वऽनालबद्धो, तस्सऽसति गिही अवयतुल्लो ॥५२४६॥
"माया भगिणी०" ["एतासिं असतीए०"] गाहा । तीए गिलाणीए मायाभगिणीयादि सा कारविज्जइ उट्ठवणादि, असइ सड्डी, असइ गारत्थिगीणी, तासिं जो असोयवादी, असइ सोयवादीए वि । असइ तीए अगारो सण्णायगो णालबद्धो, सण्णातयगहणे कए णालबद्धगहणं मातुल-पुत्रादिप्रतिषेधार्थम् । असइ समाणो णालबद्धो तस्स असइ गिही अवयतुल्लो असमानवया इत्यर्थः।
दोण्णि वि अनालबद्धा उ, जुज्जंती एत्थ कारणे। किढी कण्णा विमज्झा वा, एमेव पुरिसेसु वि ॥५२४७॥
"दोण्णि वि०" गाहा । दोण्ह वि लोगो दोण्ह वि त्ति इत्थी पुरिसाणं णालबद्धा असतीए इत्थीसु पुव्वं थेरीहिं कारविज्जइ, पच्छा कण्णगाहि, पच्छा मज्झिमाहि वि । एवं पुरिसे सणालबद्धा, असतीए । एतदेवार्थं इमीए पुरातणाए गाहाए वक्खाणेइ ।
असई य माउवग्गे, पिता व भाता व से करेज्जाहि। दोण्ह वि तेसिं करणं, जति पंथे तेण जतणाए ॥५२४८॥ [नि०] "असई य माउवग्गे०" गाहापुव्वद्धं कण्ठ्यम् । पच्छद्धस्स - थी पुरिसणालऽणाले, सपक्खपरपक्ख सोयऽसोये वा ।
अगाढम्मि उ कज्जे, करेति सव्वेहि जतणाए ॥५२४९॥
["थी०"] गाहा । दोसु वि तासिं करणं । पंथे वि पत्ताए वि । अहवा दोण्ह वि तासिं कारणं । नियल्लियाए अनियल्लियाए वि । जाहे पंथे भवेज्ज तत्थ एस जयणा । णत्थि तत्थ अप्पणा चेव करेइ।
तस्स जइ करेमाणस्स इमा जयणा । पंथम्मि अपंथम्मि व, अण्णस्सऽसती सती वऽकुणमाणो ।
अंतरियकंचुकादी, स च्चिय जतणा तु पुव्वुत्ता ॥५२५०॥ "पंथम्मि अपंथम्मि व०" गाहा । कण्ठ्या ।
