________________
७६७
भासगाहा-५२१०-५२२५]
चउत्थो उद्देसो दुक्खंति । माता से उमज्जंती, शरीरं स्पृशति । दो वि फरिसं वेदेति । अज्झोववाओ जाओ। ततो संसत्ताणि । जया राया जातो तया पागडीभूतो ।
राया खंतियाए, वणि महिलाए कुला कुडुंबिम्मि । दीवे य पंचसेले, अंधलग सुवण्णकारे य ॥५२१९॥ बालस्स अच्छिरोगे, सागारिय देवि संफसे तसिणी। उभय चियत्तऽभिसेगे, ण ठाति वुत्तो वि मंतीहिं ॥५२२०॥ छोढूणऽणाहमडयं, झामित्तु घरं पतिम्मि उ पउत्थे । धुत्त हरणुज्झ पति अट्ठि गंग कहिते य सद्दहणा ॥५२२१॥ सेणावतिस्स सरिसो, वणितो गामिल्लितो णिओ पल्लिं । णाहं ति रणपिसाई, घरे वि दड्डो त्ति णेच्छंति ॥५२२२॥ पोत्तविवत्ती आवण्णसत्त फलएण गाहिता दीवं । सुतजम्म वड्ढि भोगा, वुग्गाहण णाववणियाऽऽया ॥५२२३॥ पुट्वि वुग्गाहिया केई, णरा पंडियमाणिणो । णिच्छंति कारणं किंची, दीवजाते जहा नरे ॥५२२४॥ चंपा अणंगसेणो, पंचऽच्छर थेर णयण दुम वलए। विहपास णयण सावग, इंगिणिमरणे य उववातो ॥५२२५॥ अंधलगभत्त पत्थिव, किमिच्छ सेज्जऽण्ण धुत्त वंचणता ।
अंधलभत्तो देसो, पव्वयसंघाडणा हरणा ॥५२२६॥
"राया खंतियाए०" ["बालस्स अच्छिरोगे०" "छोढूणऽणाहमडयं०" "सेणावतिस्स सरिसो०""पोत्तविवत्ती०" "पुट्वि वुग्गाहिया०""चंपा अणंगसेणो०" "अंधलग०"] एते अट्ठोवणिअं [राया य] पुव्वद्धं वण्णिओ घडियापोट्टो मूढो ।
इदाणिं वुग्गाहितो । एत्थ दिटुंतो।
"दीवे य पंचसेले" पच्छद्धं । एगो वणिओ आवण्णसत्ताए भज्जाए समं वहणेण दिसायत्ताए समुद्दमवगाढो । भग्गे वहणे फलगखंडेणं सा महिला दीवे उकुलिया । सो वणिओ समुद्दे मओ। सा दारगं पयता संवुड्डो दारगो मातरे समं संसत्तो ताए सो वुग्गाहिओ-जइ माणुसं पेच्छिज्जाहि तो नासेज्जासि । ते रक्खसा मणुसवेसेणं [एंति] । अण्णया पोएण वणिया आगया।
