________________
७६२
[वायणापगयं
विसेसचुण्णि [वायणापगयं]
[सुत्तं] ततो नो कप्पंति वाइत्तए, तं जहा-अविणीए, विगईपडिबद्धे, अविओसवियपाहुडे ॥४-१०॥
संबंध:पंडादी पडिकुट्ठा, छव्विध कप्पम्मि मा विदित्तेवं ।
अविणीतमादितितयं, पवादए एस संबंधो ॥५१९७॥
"पंडादी पडिकुट्ठा०" गाहा । कण्ठ्या । अहवायं सम्बन्धः अधस्तानन्तरसूत्रेण साकं वैशेषिकः।
सिक्खावणं च मोत्तुं, अविणियमादीण सेसगा ठाणा ।
णेगंता पडिसिद्धा, अयमपरो होति कप्पो उ ॥५१९८॥
"सिक्खावणं०" गाहा । गहणसिक्खं मोत्तुं जे अण्णे पव्वावणादि पंच पया ते अविणीयमादियाणं ण एगंतेण पडिसिद्धा । छव्विहाउ दवियकप्पसुत्ताउ अविणीयसुत्तस्स एस संबंधो त्रय इति संख्या वायणा-सुत्ते अत्थे तदुभए य ।
विगइ अविणीऍ लहुगा, पाहुड गुरुगा य दोस आणादी । सो य इतरे य चत्ता, बितियं अद्धाणमादीसु ॥५१९९॥[नि०] अविणीयमादियाणं, तिण्ह वि भयणा उ अट्ठिया होति । पढमगभंगे सुत्तं, पढमं बितियं तु चरिमम्मि ॥५२००॥ इहरा वि ताव थब्भति, अविणीतो लंभितो किमु सुएण । मा णट्ठो णस्सिहिती, खए व खारावसेओ तु ॥५२०१॥ गोजहस्स पडागा, सयं पयातस्स वड्रयति वेगं । दोसोदए य समणं, ण होति न निदाणतुल्लं वा ॥५२०२॥ विणयाधीता विज्जा, देंति फलं इह परे य लोगम्मि। न फलंति विणयहीणा, सस्साणि व तोयहीणाइं ॥५२०३॥ रसलोलुताइ कोई, विगतिं ण मुयति दढो वि देहेणं । अब्भंगेण व सगडं, न चलति कोई विणा तीए ॥५२०४॥
