________________
७५८ विसेसचुण्णि
[पव्वावणाइपगयं 'दिट्ठि'त्ति सागारियं दटुं 'इतरो 'त्ति नपुंसगो । जह वच्छओ अपस्समाणो मातरं न परिस्सुओ अच्छइ । अभिलसमाणं दटुं पुण अभिलसइ । गोणी वि वच्छं अभिलसमाणं दटुं पण्हूयइ । जहा अंबफलं दटुं खज्जमाणं वा पुव्वब्भासेण मुहं विकुव्वइ एवं नपुंसगो वि । बिइयपयं
असिवे ओमोयरिए, रायद्दद्वे भए व आगाढे। गेलन्न उत्तिमटे, नाणे तह दंसण चरित्ते ॥५१७२॥ "असिवे०" गाहा । अस्य व्याख्यारायट्ठभएसुं, ताणट्ठ निवस्स चेव गमणट्ठा । विज्जो व सयं तस्स व, तप्पिस्सति वा गिलाणस्स ॥५१७३॥ गुरुणो व अप्पणो वा, नाणादी गिण्हमाण तप्पिहिति । चरणे देसावक्कमि, तप्पे ओमाऽसिवेहिं वा ॥५१७४॥ एएहिँ कारणेहिं, आगाढेहिं तु जो उ पव्वावे । पंडाईसोलसगं, कए उ कज्जे विगिंचया ॥५१७५॥
"रायडुटु०" ["गुरुणो व०" "एएहिँ कारणेहिं०"] गाहात्रयं कण्ठ्यम् । तस्स कारणे पव्वाविज्जमाणस्स इमा जयणा
दुविहो जाणमजाणी, अजाणगं पन्नवेंति उ इमेहिं । जणपच्चयट्ठयाए, नज्जंतमणज्जमाणे वि ॥५१७६॥
"दुविहो जाण०" गाहा । सो कारणिओ पव्वाविज्जमाणो दुविहो-नपुंसओ जाणओ अजाणओ य । जाणओ नाम जाणइ । सो न वट्टइ साहूणं नपुंसओ पव्वावेडं, सो पण्णवेयव्वो, न वट्टइ तव पवज्जा, णाणादिमग्गविराहणा ते भविस्सइ । अयाणओ जो न याणति । एएसिं दुण्ह वि कारणे पव्वाविज्जमाणेणं इमा जयणा कीरइ
कडिपट्टए य छिहली, कत्तरिया भंड लोय पाढे य । धम्मकह सन्नि राउल, ववहार विगिचणा विहिणा ॥५१७७॥ "कडिपट्टए०" गाहा । अस्य व्याख्या
कडिपट्टओ अभिनवे, कीरइ छिहली य अम्हऽवेवाऽऽसी। कत्तरिया भंडं वा, अणिच्छे एक्केक्कपरिहाणी ॥५१७८॥ छिहलिं तु अणिच्छंते, भिक्खुगमादीमतं पऽणिच्छंते । परउत्थियवत्तव्वं, उक्कमदाणं ससमए वि ॥५१७९॥
